منتديات قلب فلسطين - عرض مشاركة واحدة - لكسر الممل.. تعالو جاوبو على الاسئله.( تجميعي.)

04-04-2020

متى الاختلاف في الراي*يفسد*للود قضيه؟
لما الموضوع يكون مفروغ منه وما بحتمل اكتر من من رأي متل امور الدين والاخلاق
ولما ما براعي احد طرفي النقاش الادب والاخلاق في المحاوره
ولما بكون واحد من الطرفين عم يناقش عن جهل بدون الالمام بموضوع النقاش ومتحيز لرأبه

ومتى نسخدم مقوله الاختلاف في الراي*لا يفسد*للود قضيه؟
لما يراعي الطرفبن اداب النقاش والحوار وما يتحيز اي واحد فيهم لرأيه
اختلاف الاشخاص في ارائهم هادا شي وارد وطبيعي تبعا لاختلاف ثقافة ووعي الاشخاص وخبراتهم وتجاربهم
الاساس انه نستمع لبعض بكل احترام وما يحاول اي شخص بفرض رأيه ع الاخر
ويحاولوا يناقشوا بكل موضوعيه ويتقبل كل طرف وجهة نظرة الاخر ويحاول انه يستفيد منها

اي من هائولاء لاتحب التعامل معاه..

‏1/ البارد.
‏2/ الكذاب.
‏3/ الي أسَلوبه زفت.
‏4/ المُجامل.
‏5/ الي يتمسك برأيه ولا يعطيك مَجال

ما شعورك إذا وجدتَ معظم التعليقات على مختلف مواضيعك هي عبارة عن ردود جاهزة منسوخة؟
صراحة بدايق ما بحب هالشي
وبتستفذني هيك اراء

هل باتت مصلحة الذات فوق كل شيء !؟
للاسف في وقتنا هالشي صار واقع وكل واحد مصلحته فوق مصالح الكل

‏اذا أردت تغير حياتك من أين تكون بدايتك ؟
يعمل الشي يلي انا شايفته صح وبقرب من ربنا اكتر

*هل من الممكن أن ينسى المرء ماضيه؟
لا صعب ننسى الماضي لانه جزء من حياتنا ولانه ترك أثره علينا
يلي بصير انه نحنا بنحاول نتناساه
بنستفيد من التجارب يلي عشناها وبنعيش مع ذكرياته بحلوها ومرها

* ماهو اهم شي في ماضيــك لن تنساه.؟
ما بنسى ماضيي كله بكل تفصيله

* هل من الممكن للحاضر ان يغير الماضي؟
ممكن بعتمد ع الشخص
اذا بده بغيره هالشي لازم يكون نابع من جواته ويكون عنده اراده واصرار ليعمل هادا الشي

*ما هو الإنسان دون ماضي من وجهه نظرك؟
انسان ما عنده خبرات ولا تجارب ولا ذكريات

ماهي برأيكم العلاقات الأكثر نجاحا والحاصلة على كل الأمتيازات
في هذا الزمان ؟بمعنى أصح العلاقة ( الأكثر اضاءة ) ولها بريقاً ولمعة..( الاخوة،الصداقه،الحب،الزماله،الجيران،)ام ماذا..؟
يلي بحدد مدى نجاح العلاقه هو الصدق والاهتمام والاخلاص والمحبه

هل التطنيش اسلوب يرفع منزلتك لمنزلة الأذكياء
ام أنه يهوي بك الى منزلة السذج والأغبياء..؟
بعتمد ع التطنيش اذا نتيجته رح تعود علي بشي سلبي او إيجابي

لماذا يعد عمر الثلاثين نقطة فاصلة في حياة أي إنسان؟
بنظري هالشي نسبي ومش شرط
لكن ممكن نقول انه هون طبيعة الحياة اختلفت صار الشخص اكثر نضجا واستقر بحياته
وصارت تقع ع عاتقه مسؤوليات والتزامات وصار ياخد قراراته بنفسه

ما هو الشئ الذى رميته وراء ظهرك واكملت حياتك..؟
اي شي ممكن بحبطني ويكون عائق في تحقيق طموحاتي

هل كل ما يخطه الكاتب يعايشه..؟
لا

هل تسمح لمزاجك بالتحكم في قراراتك..؟
ابدا قراراتي باخدها بتأني وبعد تفكير طويل

القيادة الإدارية بين الرجل والمرأة أيهما أفضل..؟
ع الاغلب الرجل افضل
لكن مرة قرأت عن دراسة علميه انه المرأة بتتفوق ع الرجل في الامور القيادية

اسأله كتير حلوه ومختلفه
يسلمو هالديات سكون