منتديات قلب فلسطين - عرض مشاركة واحدة

08-15-2017

على كل لون شوفتك يا دنيا ما تداريش
وما تعمليش فيها البريئة ما تكذبيش
ليه واقفة ضدي في كل حاجة عملتها
ومعاندة فيا خلتيني كاره اعيش ..
ليه مركزة في ازاي ي دنيا تعذبيني
هتحلي عني امتى وفي حالي تسبيني
بتاخدي مني كل حاجة بحبها ..
تعبت منك اغلطي بقا وارحميني

اشمعنا انا مستقصداني وجاية ليه دايما عليا
اشمعنا انا دانتي بقيتي بتفرحي ف دموع عينيا ..
حطاني في دماغك زيادة عن اللزوم
كرهاني ليه ما اعرفش انا لدرجة ديا ..

دورت فيكي ع الامان وما حستوش
الكل بيداري في حقيقته ورا الوشوش
ما بقتش عارف مين معايا ومين عليا
احنا في زمان الكل فيه ما بيرحموش ..
عيني خلصت م الدموع ما بقتش ببكي
واكمني ما اتعودتش لحد اشكي
لو حد قلي عامل ايه بضحك في سري
ما انا لو يفيدني بحاجة كنت هقول واحكي

اشمعنا انا مستقصداني وجاية ليه دايما عليا
اشمعنا انا دانتي بقيتي بتفرحي ف دموع عينيا ..
حطاني في دماغك زيادة عن اللزوم
كرهاني ليه ما اعرفش انا لدرجة ديا ..