عموما بالنسبه إلي عاده غير محبذه، لإنه في ناس بتكره بعضا كره مش طبيعي، بس بالمجتمعات بتلاقيون دابين ع بعض بوس، كيف بدي اتقبل هيك عاده بهالحاله؟
إذا بدك تسلم وتبوس ممنون بهالتصرف بس عالاقل كون بتحب هالشخص اللي قبالك، مش تبوسو لإنو هيك مجتمعك بدو ومجرد إنو بدك تمشّي هالعاده المنافقه وتعمل حالك بتحبه قدام الناس !
وانا شخصيا بشوف تسليم ايد بدون بوس تصرف "راقي" اكتر. لكن لحظات كتير منلاقي حالنا عم نحب نسلم ونبوس بذات الوقت حتى لو عفوا، لإننا منكون قاعدين مع ناس منحبون وبحبونا، هاي بتبقى تصرفات غير اراديه بسبب كبر المحبه والموده ..
وإذا بدي احكي من ناحيه صحيه، فأنا ضد هالعاده، بغض النظر عن النظافه والروائح، بس في إشي اسمه امراض، يعني ناس ممكن تكون مريضه وإحنا ما منكون عارفين.
وبالنسبه لسؤالك اللي قبل الاخير، "ام ترى ان هناك طرق افضل للتعبير عن السلام والمودة بين الاشخاص؟؟!!" اكيد في كتير طرق بس اوقات الإنسان بيفكر بالبوس قبل اي اشي تاني حتى لو كان ضد هالعاده، يعني ع سبيل لمن يبوس صباح الوالده او ايد الوالد، بصير يحس إنه لازم يعمل هيك مع أهله كتقدير او شكر او مهما كان السبب.
وبعتقد تسليم ايد مع تقبيل عاده موجوده بأغلب المجتمعات بالعالم مش بس عند العرب.
شكرا وتر،موضوع اكتر من رائع