منتديات قلب فلسطين - عرض مشاركة واحدة - [ اسستججوآاب vip لـ منتدى قلب فلسسطينن ] ☺

03-21-2017

سؤال توجهه

لـ هل كآنن حبـآإ و مؤمنن؟

بدي اسألون 6 اسئله للتنيناتون،
الاسئله ،
1)"التقاييم" بتنقرأ، هي كفكره مش غلط لإنكوا هيك بتحموا المنتدى من اي حدا بيجرب يخرب المنتدى،
بس من ناحه ثاني هون صار في تدخل بالخصوصيات، ولا شو رايكوا؟
انا بعرف وانه من المفروض التقاييم تكون فقط للمواضيع، موضوع عاجبك ابعث تقييم،
بس لمن اي حدا بقى ببعث للثاني تقييم اللي فيو حكي عادي ع سبيل المثال، بسالو عن احوالو، بهالحاله بدو يضطر انه يجاوبه ويرد عليه بتقييم برضه مثل ما هو عمل،
انتوا هون بهالحاله ليش لحتى تعرفوا عن ايش عم بحكوا هذول الثنين؟ مش من حقكوا تعرفوا هالخصوصيات، يمكن يكون في كلام خاص،
مع كل إحترامي إلكوا ولكن هذا تصرف غير مقبول، بس بقدرش انكر السبب اللي ممكن يكون مقنع لحد ما يلي خلاكوا تعملوا هيك خاصيه،
بس انا شخصيا لو كنت مديره كنت مستحيل اعمل هيك لإنه رح اعتبر حالي بلا زوق وقد اقرا تقاييم الاعضاء بين بعضون ! عالعموم متزعلوش مني ومن سؤالي، بتضلها وجهة نظري اللي مقتنعه فيها،
سؤال حلو وعجباني وجهة نظرك في البداية في سوء فهم من قِبل الأعضاء في استخدام خاصية التقييم
يعني التقييم مثل ما حكيتي يستخدم فقط للتعبير عن اعجاب العضو بالموضوع أو المشاركة
لكن الأغلب هنا بيستخدمه احياناً للكلام والدردشة والإطمئنان على البعض
وهذا شئ غلط في عندك رسائل خاصة بإمكانك تبعث وتسأل وتطمن لكن ما تستخدم التقييم إلا للتعبير عن اعجابك بالموضوع

الأمر الآخر
بحكم اننا مسؤلين عن المكان وأصحابه
من حقنا نراقب ولو اني ما بحب كلمة نراقب خليني اقول نتابع ونكون منتبهين لكل شئ بيصير فيه
انت بتنظري للأمر على انه خصوصيات
لكن انا بنظر له على انه مكان مسؤول مني واي شئ او خطأ بيصير فيه انا بتحمل المسؤلية
وهذا من وجهة نظري بيعطيني الحق اني اكون متابع وشايف ومطّلع على كل شئ بيصير في المكان
لأنه ممكن اي عضو جديد يدخل ويبعث تقييمات للأعضاء بروابط مواقع آخرى
ممكن اي عضو جديد يدخل ويبعث للأعضاء كلام ايباحي او صور ايباحية
ممكن اي عضو يدخل ويسب ويشتم ويعمل اشياء غير لائقة من خلال هالإشي
المنتدى له اعداء كثير وكل شئ بحكيه وارد وحصل قبل هيك
واحياناً الأعضاء ما بتبلغ بالأشياء هذه ممكن بتخجل ممكن ما بتهتم ممكن اكثر من سبب
في النهاية هذه كلها اسباب بتخليني اكون متابع ومتنبه لكل شئ بيصير
وبرجع بقولك احنا مش شغالين 24 ساعة نراقب ونتطلع للأشياء هاي
برضو في مساحة خصوصية لازم نراعيها
لكن لو شكينا في شئ او حسينا بأمر مريب او غير طبيعي وقتها بنشوف بنطّلع

2)بتقدر تقعد تدير المنتدى بدون مؤمن / هل كان حبا؟ اه ولا لاء، وليه؟
طبعاً بقدر أدير المنتدى بدون مؤمن
وطبعاً مؤمن بيقدر يدير المنتدى بدوني
الأمر مش صعب يعني
واحنا الإثنين عندنا القدرة على الشئ هذا

3) الفضل بيرجع لمين بتقدم المنتدى؟ لهل كان حبا ولا لمؤمن؟ وليه؟
الفضل بيرجع إلهم هما الإثنين
لولاهم مع بعض وطبعاً مع الأعضاء كلهم ما كان وصل المنتدى لهيك

4)لو يرجع الزمن لورا كنت بتاخد نفس القرار وتجرب عالم المنتدى وتصير مدير مثل ما انت حاليا؟ ولا كنت بتفضل تكون مجرد عضو؟ ولا كنت بتفوتش عالمنتديات نهائي، وليه؟
ما كنت بفوت عالم المنتديات نهائي
هالشئ أثر على حياتي بشكل كبير بصورة سلبية
انعدمت علاقاتي الإجتماعية بشكل مش قليل + كثير فرص ضاعت مني + كثير مشاكل حصلت ضايقتني وأثرت عليَّ

5)برأيك تجاربك الشخصيه مع الاعضاء وعلاقاتك الشخصيه فيون بتأثر ع مشاركاتك فالمنتدى؟
بحاول قدر الإمكان انها ما تأثر لأني بفصل بين المنتدى وبين علاقاتي الشخصية
6)كيف بتحاول إنو تجاربك الشخصيه او معرفتك الشخصيه فيون ما يأثروش ع مشاركاتك فالمنتدى، او ع ادائك كمدير؟
ع سبيل صار سوء تفاهم بينك وبين شخص ومتوصلتوش لحل، وصدفه انوجدت معه بنفس الموضوع، شو بتكون ردة فعلك، المقصود ممكن تكون مش طايقو مثلا،
فكيف بتحاول تفرق بين هالشغلتين، انك تكون مدير بس بنفس الوقت متخليش حياتك الشخصيه مع الاعضاء تأثر ع مشاركاتك هون.

أولاً وأخيراً احنا بشر واحياناً صعب نتحكم بعواطفنا
بعدين انا مش مطالب اني احب أي عضو لو انا من جواتي ما برغبه
لكن مطالب اني احترمه ومطالب اني اعامله بصورة لائقة
وهذا مش نفاق ممكن البعض يفسر هالشئ على انه نفاق
لكن هذا اسمه اني عندي القدرة اني اتعامل مع إنسان ما برغب وجوده بشكل سليم وبشكل ما يزيد المشكلة ويأججها
وفي النهاية انا بحكي هيك على سبيل المثال
انا ما في عداوة بيني وبين اي عضو
حتى لو حسيت ان في عضو متجنبني بحترم هالشي وبحاول ما احتك فيه
وتكون العلاقة فقط في إطار الرد على المواضيع وشكر العضو وفقط