ليش تتركني أعانـي وانـت لجروحـي دواي
كم سألتك لو تحبني يا حبيبـي ومـا تجيـب ..

قلت لي كلمة أحبك وانـتِ لعيونـي ضـواي
قلتها لي وقلبي خايف بعـد هالكلمـه تغيـب ..

صرت اخاف من الليالي تبعد الحب عن سماي
تعرف إني من عرفتك الحزن ما لـه نصيـب ..

كيف تتركني ليالي وانـت تـدري يـا هـواي
أنتظر وقت الملاقـى والعمـر عنـدك يطيـب ..

لو تعاقبني بغيابـك بسألـك شنهـو خطـاي
بسألك ليش اتغلـى وانـت أقـرب م القريـب ..

لك هديت القلب وعمري وما انتظر منك جزاي
واجمل اسراري خفيته عن قريب وعن غريب ..


ليش تتركني أنادي ويرجـع لسمعـي صـداي
واصدق اشواقي تنادي وين اشوفـك يالحبيـب ..

خل عيونك في عيوني واعترف لي اشقد غلاي
عانق حروف الحقيقه يا تصيـب ويـا تخيب .