منتديات قلب فلسطين - عرض مشاركة واحدة

10-23-2024

- علاء انا مصدومة

- خير، ماذا حصل؟

- كبرياء انثى

- مالها؟

- مو بنت، طلع شاب متخفي

لم أتفاجأ كثيراً، فقد كانت تلك الفكرة تراودني منذ البداية، كان لدي شكوك مسبقة أنهُ شاب متخفي. ابتسمت ابتسامة خفيفة في داخلي حينما قالت "طلع شاب متخفي" شعور غريب بالراحة اجتاحني. باتت الآن تعرف الحقيقة، الحقيقة التي كانت تتوارى خلف كبرياء. مع ذلك تظاهرت بالاندهاش، وقلت لها:-

- ماذا؟ كيف يعني؟

- والله مصدومة، مش مصدقة، عم يهددني بصوري ومش عارفه شو أعمل

- ياسمين، قولي ماذا حصل بالتفصيل من البداية

- بس دخلت كبرياء، حكيت لها تعالي نحكي مايك ، الا هي حكتلي شو قصتك مع المايك حبيبتي مصره تحكي مايك؟ حكتلها ولاشي اشتقت اسمع صوتك وأصلا ولا مره حكينا مايك مباشره، كنتي تبعتي تسجيل صوت كلمتين ثلاث. حكتلي ما بقدر احكي مايك اهلي عندي، بصراحه يا علاء انا شكيت فيها وحكتلها علاء شاكك انك شاب ، وأول ما شافت اسمك حكت هيك هيك لأمك على ام علاء وعيلته ، وبلشت تغلط وتسب حكي كتير وقح عليي وعليك بعدها صار يبعت بصوري ع الخاص الي بدون حجاب كان محتفظ فيهن، فتح المايك صار يهدد فيني بدو ينشرهن ويحكي أني حبيبة علاء ، وانا لما سمعت صوته خفت كتير وما عرفت ايش اعمل ما حكيت شي من الصدمة، سكرت الشات ولما طلع رجعت استناك عشان احكيلك ، علاء والله ما وقفت عياط لهسا بعيط مش عارفه شو أعمل معه، عنجد انا مصدومه مش مصدقة بتعرف ازا نشر صوري اهلي شو بعملو فيني، والله بقتلوني، بترجاك ساعدني نلاقي حل امانه، مو عارفه اعمل شي

في تلك اللحظة، كانت ياسمين تشعر بالخوف، غير قادرة على اختراق جدار الصدمة الذي أحاط بها. بدأت ترسل أيقونات البكاء، كل واحدة منها تعبر عن جزء من قلبها المكسور. قلت لها محاولاً أن أكون لها مصدر قوة:-

- ياسمين، اهدئي وصلِ على النبي

- علية الصلاة والسلام

- كل مشكلة ولها حل

- كيف حلها هاي؟