منتديات قلب فلسطين - عرض مشاركة واحدة

12-06-2023

انتظار ضو النهار غريب بشكل مرعب
انك اضلك قاعد طول الليل مترقب الأخبار منتظر ، انك تشوف الضو هو موت بالبطيئ، شعور مخيف جدا انك عايش بحالة توتر خايف تسمع خبر سيء عن حد بتحبو،
لا في كهربا ولا مية ولا نت، كل ساعة بيجي النت دقيقة بتجري زي المجنون تلحق تطمن عكل اللي حواليك،
اشي بالشرق واشي بالغرب كل منطقة فيها عزيز وغالي، شعور الاحباط واليأس من الحياة بلش ينهش فينا
عبارة عن جسد بلا روح قاعدين بنستنى دورنا او يمكن الاصح عددنا، بالٱلاف راحو بغمضة عين، الشهيد مش رقم، قصة، لكن اليوم حتى مفش نت نحكي القصص ولا نروي اللي صار، اللي بضل عايش منا بحكي الخوف ، بحكي صور الموت،
كل بيت في كسرة وحسرة ، احنا مش بخير واللي بحكي انو بخير بكزب، احنا كلنا تعبانين ونفسيتنا تعبانة
احنا بس بنحاول وبنقاوم
المشاهد مخيفة ونهاية الرواية مفتوحة
هنا في غزة من قلب ما كتبت
احتمالين اما الموت أو الموت

��

دفء ,Barbie ,ملاك الحب ,lonely heart معجبون بهذا