#أخبار_عالريق 1194 يوم
✅️يكتبها / #سعيد_الطويل

▪︎حاجز ايرز مسكر صارله 9 أيام ورا بعض والخسارة عنا فوق ال10مليون دولار بعد قعدة العمال

▪︎اسـ ـتشهد شب اسمه مجدي غباين عمره 17 سنة من شمال غزة متأثر باصابته يوم انفجار ملكة

▪︎اندهس ولد صغير من دار أبو عمرة بدير البلح من شحن توزيع الكولا وأهله سامحوا السواق

▪︎ماتوا اتنين اخوة بماس كهرب بمنطقة غرب رام وهما بيغسلوا بالسجاد فوق دارهم

▪︎البلاللين على الغلاف مسكتتش من أسبوع وجاي

▪︎الأمور شكلها رايحة لحل وتهدئة من هان لبكرة أو حتملدن زي ما حكى سواق السوبارو

▪︎مبارح قصفوا كم مرصد زينقو عشان قصة البلاليين والمسيرات وسلامتك وتعيش

▪︎ناس بتستحيش طخوا على عبد الكريم فراح عضو مجلس بلدية الخليل وحرقوا سيارته وشردوا

▪︎الأ.سير كايد الفسوس صارله 54 يوم مضرب عن الطعام ووضعه صعب

▪︎بالنسبة للجو حيكون هذا الأسبوع صيف وشوية شوب والأسبوع الجاي حتنزل شوية مطرة

▪︎وصل عدد الفلسطينية إللي ماتوا في فيضانات ليبيا ل64 واحد

▪︎الآيفون خمسطعشر 15 برو ماكس وصل غزة وسعره بس 9500 شيكل وكاتبلك فقط

▪︎جارة #أم_فؤاد بتنصحها مبارح المغربيات وهما بيلقطوا الملوخية
ثوب الصلاة يختي مش كل الوقت بجيبلك حسنات
أحياناً بجيبلك #ضُـرَّة،، و الضُرَّة مُـرَّة ودير بالك على حالك .. إللي حابة تاخذ نصيحتها تتوكل ع الله النصيحة بجمل يختي ...

▪︎بدينا بموال الرشح والانفلونزا والاحتقان والاعشاب والزهورات والحاجات السخنة من بدري هذه السنة والحمد لله

#يسعد_صباحكم وربنا يفتحها بوجوكم🌷
الاثنين 25-9-2023