منتديات قلب فلسطين - عرض مشاركة واحدة

08-20-2023

إنو تحبك بنت آدمية نعمة من الله ،
تكون نقية وبنت أصل وآخر همها تفضيلك جيوبك ،
تساعدك ع الدنيا ،
تحبك عنجد وتخاف إنها ترهقك بمتطلباتا،
تراعيك ، تخلصلك ، حنونه عليك، ومقررة تحبك بكل يوم أكتر،

مترباية وشبعانة عز و مش معتبرتك مارد لتحقيق الأحلام،

مابعبي عيونها غيرك ،مابتتصيد حدا ،ما بتحاول تلفت نظر حدا ولا بتقلل من احترامك ،
بتصونك بكل مكان،
بتدور عليك بكل مكان،
بتهتم فيك،

ما بتتأثر بكلام البنات ولا حدا بعلمها وبلقنها شو تقلك وكيف تحبك أو كيف تعلقك فيها،

ما بتهتّك بدراستها ،بجمالها ، بعيلتها ،بطوابير المعجبين، بإنها طولت لوافقت عليك ، كلّ همها تضلك بخير، ♥️

بتسامحك دايماً ،
بتعتذر إذا غلطت بحقك ،
بتحترم الناس يلي بتخصك ،
ما بتبعدك عن محبينك ،
بتشاركك اهتماماتك ،

بتتشاورو ع الحياة ،بتتعبو سوا لتفرحو سوا ، رفيقة بكتير مرات وحبيبة بكل المرات،

بنت صادقة إذا حبتك قادرة تخليك ببيتك الصغير جنة . . ♥️