#أخبار_عالريق 1018 يوم
✅يكتبها / #سعيد_الطويل

▪︎العمادي وصل غزة بعد نص الليل

▪︎القمة العربية خلصت بساعتين وشجبت وأدانت واستنكرت

▪︎جاهة راحت مبارح طيبت خاطر عيلة أبو جزر إلي افترسه الأسد بأصداء

▪︎واحد بتفاءل بكلامه.. بيقلي شكلها الأمور في غزة ،رايحة لأيام حلوة

▪︎عملية نصب جديدة ب2.5 مليون دولار في رفح وخانيونس

▪︎موضوع ميناء الركاب والبضايع في بور سعيد مع غزة طلع فش منه مع انه في تسجيل صوت

▪︎كيلو البندورة بشيكل وكيلو الشمام تبع العصير باتنين شيكل

▪︎مسكوا 30 ألف حبة مخدرات حطينها في بخاخات "ثلج الأفراح"

▪︎حادث بسيارة عروسة وعريس بدير البلح وربنا نجاهم

▪︎بكرة أول أيام شهر ذو القعدة يعني بلشنا بالعد التنازلي للأضحى

▪︎الأضاحي سعرها مولع نار هذه السنة

▪︎الأسمر عمل مهرجان تأبيني بيبيض الوجه في الكتيبة

▪︎بيقولوا الهلال السعودي رفع عرضه لميسي ل 500 مليون يورو في السنة

▪︎الجو بالبيوت هالأيام امتحانات وقراية وحفظ وتسميع وزعاق وشباشب طايرة

▪︎الشوب هلهلت بشايره والبحر بلشت تتزبط كفترياته والشاليهات فيها زحمة حجوزات

▪︎التوجيهي ياتلحق يا ما تلحق شد الهمة وتعب ساعة ولا كل ساعة ..الله يوفقكم

#صباح_الخير للناس النشيطة إللي بتقوم من الفجر لصلاتها وبتحضر حالها لشغلها وبتطلع بمود رايق ونفسية عال العال

#صباح_الخير للناس إللي بتفرش عندها البرم والكلام الفاضي وبتضلها دايسة وبتشق طريق نجاحها وبتتطعلش وراها

#صباح_الخير لكل أم بتصبح ع أولادها بدعاوي بتسهل طريقهم وبتحميهم من كل شر

#يسعد_صباحكم 🌹
السبت 20-5-2023