#أخبار_عالريق 1034
✅يكتبها / #سعيد_الطويل

■بلشوا يوزعوا لحمة الضاني إللي أجت من السعودية وريحة الشوي من مبارح معبية دار #أبو_فؤاد

■في أزمة غاز جاية عالبلد ،وأكثر من 40 شركة عاملين احتجاجات عالموضوع بغزة

■بلدية غزة نزلت بيان بتقول فيه انها ملهاش سيطرة ولا علاقة بسوق الشيخ رضوان وفي جهات استولوا عليه بالقوة

■جدول الكهرب من اليوم وطالع بيكفيش ال8في8 والأمور صعبة شوية

■رواتب الشؤون الاجتماعية بس بعلم الغيب ،متصدقوش ولا حد إلا لما تنزل عالبنوك

■انتخبوا مصطفى البرغوثي من أول وجديد أمين عام للمبادرة الوطنية ،طبعا هو الأمين العام من 20 سنة.

■مصعب اشتية صارله أكثر من 3 أشهر محبوس عن السلطة بالضفة مع انه المحكمة أمرت بالافراج عنه

■مشروع عنق الزجاجة بمخيم الشاطئ حيبلش هدم بالنادي الأسبوع الجاي

■دراسة علمية اكتشفتها قبل شوي ..البني آدم بده ساعتين زمن بالشتا عشان يصحصح منيح بالشتا

■عدنان ابو حسنة بيقلك انه الأمور المالية بالوكالة صعبة عالآخر وفش مصاري

ع فكرة من الممكن جداً أنه يكون الشتا سبب رئيسي لسوء النفسية والزهق والمود الرمادي وكثرة المشاكل و الأكل الزيادة خاصة عالعشا ..

-في حليب علاجي لطفل صغير هو الوحيد لأهله وحقه شوية غالي عليهم ومرهق توفيره كل أسبوع لو كل حد جاب علبة حليب بنقف معاهم وبنخفف عنهم..

#يسعد_صباحكم وربنا يديم عليكم الدفا والعفا وراحة البال والناس الحلوة إللي بتحبكم وبتهتم فيكم ..

الأحد 15-1-2023🌹