#أخبار_عالريق 1029 يوم
✅يكتبها / #سعيد_الطويل

▪︎دايما يوم السبت أخباره خفيفة وسريعة وفش فيها برم ينشف الريق

▪︎المهم بن غفير لسة بيتوعد لغزة وبيتحلفلها وكل المحلليين بيأكدوا انه جولة التصعيد مسألة وقت

▪︎ضايل 10 أيام ويطلع ماهر يونس رفيق درب كريم في السجن برضه صارله 40 سنة بالزنازنين

▪︎الدولار نزل سعره تاني ووصل 3.50 شيكل

▪︎بكرة البلد بتنتعشلها يومين تلاتة بعد رواتب رام الله وغزة وسداد الديون

▪︎تركيا رفعت سعر تأشيرة دخول الفلسطينية لأراضيها

▪︎شباب الأسمر علموا على الضابط الهبيلة آدم وخلوه يطلع ترند عالجزيرة

▪︎نياله العميل المزودج 106 كسب زيارة للقدس وتغذى ببلاش وعلم على الضابط (آدم ) أبو خالد
وروح بسلام وآمان وعليه الأمان .

▪︎توفى وديع ابن جورج وسوف بعد مضاعفات لعملية تكميم معدة

▪︎اليوم اجازة والجو كويس إللي حد ما بس البلد مفلسة والامتحانات لسة شغالة

#صباح_الخير ويجعل يومكم كل سعادة وراحة بال ..
السبت 7-1-2023 🌹