منتديات قلب فلسطين - عرض مشاركة واحدة - على طاولة النقاش ضيوفي (نبض ، هل كان حباً ، البريئة ، كبرياء شاعر ، نقاء )

12-28-2022

اقتباس

المشاركة الأصلية كتبت بواسطة البريئة !

يسعد مساك @علاء فلسطين اهلاً فيك
مش عارفة ايش احكي يعني
المدينة بتجنن كتير و المسجد النبوي كبير لدرجة مخيفة
حتى لما صار الموعد لزيارة الروضة مشيناااا حوالي ساعة بساحته عشان نوصلهاا
حسيت المدينة راقية و انيقة حتى بشوارعهاا ، كتير حبيتها
بس الشي اللي زعلني انه لما طلعت قبل 5 سنوات كانت النظافة كتيرة
لكن هالسنة هاي ما في نظافة و اهتمام بساحة المسجد

مكة حلوةة كمان ، و احلى شي فيهاا الكعبة
بس اللي بفوت المسجد الحرام بضيع فيه
كتير فيه دخلات و طلعات ، و الصلاة على السطوح ممتعة بس
فيها تصليحات كتيرة و شغل مفتوح
ناسها و شوارعها بسيطة و شعبية تقريباً
طبعاً في اسواق و مولات بالأبراج اللي على ساحة الحرم
هدول مش النااا ههههه بتحسهم ناس من غير كوكب و الله
اشياؤهم كتير غالية كمان
الشغلة عنا بالخليل ٣٠ شيكل ، عندهم ٤٩٩ ��
و الله ما ببالغ اشي خيالي
ناسهم مش متل المدينة ، تعاملهم اصعب
و بحكو كتير اشياء ما بفهمهم ههههه

ما بعرف حكيت كتير و حاسة اني ما حكيت
لو سألتني بالتفصيل عن اشياء اسهللي

يسلموو ع السؤال

لقد ذكرتيني في كل الأوقات التي عشتها في بلاد نبي الله صلى الله عليه وسلم
حقا انها تبقى في الذاكره اجمل واحلى الأيام التي يعيشها الإنسان في بلاد أطهر الخلق واشرفهم سيدنا محمد عليه السلام ، هناك الإنسان يشعر بالعجب والدهشه ولا يُفكر الا في اسئله يطرحها على نفسه ، أيعقل هنا كان النبي أيعقل هنا كان يمشي وهنا ينام ، أيعقل هذا المكان الذي أنا فيه كان رسول الله واقفاً على هذا التراب ، أيعقل هذا جبل أُوحد الذي وقعت عليه غزوة أوحد وهنا استشهد حمزه وهذا جبل الرماة الذي أمر النبي مجموعة الرماة أن يتمركزوا عليه لحمايتهم ولكن ظنوا أن المعركة قد انتهت فنزلوا وحينها انتهز خالد ابن الوليد فرصة نزولهم وقتلوا عدداً كبيراً من المسلمين!! يالا الدهشه واسئله كثيره جدا يطرحها الإنسان على نفسه ويذهب في مخيلته مُحاولا تصوير المشهد ،، البريئة الرائعه شكراً كثيراً على كلامك الذي اعادني إلى ذكريات انا بحاجه لها كل يوم ،، اسئل الله تعالى أن يتقبل صلاتكم ودعائكم وجميع أعمالكم في المسجد الحرام والمسجد النبوي ..