الغريب إنه أهل السفينه عاشوا وماتوا ميعرفوش إن سيدنا الخضر لما خرق السفينه كان بينقذهم من ملك ظالم، ويمكن أهل الغلام فضلوا طول عمرهم بيدعوا على اللي قتل ابنهم..

حكاية سيدنا الخضر مع سيدنا موسى مش بس بتقول إنه فيه حكمة إلٰهية في كل ابتلاء، لا كمان بتقول إنه مش لازم أهل الإبتلاء يعرفوا الحكمة منه، ودا الإختبار الأصعب ، مش لازم ربنا يقولك أنا عملت كدا ليه، مش لازم تعرف الرواية التانية للحكاية، عشان كدا الصبر مش مجرد صفة محمودة، الصبر بيقصقص جناحات الإنسانية اللي بترفض التسليم بأمور ماتعرفش الهدف منها، الصبر معجزة، ولو مش مصدق افتكر نبي الله أيوب ..

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ