12 حاجة إياك تندم إنك عملتها:

1) شخص طلب منك مساعدة مادية، وبالغلط إديته أكتر من اللي كنت ناوي تطلعه، يعني كنت هاتعطيه 10 جنية، وغلطت واديته 20.

2) اتأخرت على شغلك بسبب إنك كنت بتزور مريض، أو بتّسَكت إبنك اللي كان بيعيط، وشِبط فيك.

3) ربيت وعلمت إبنك كويس، وفي الآخر طلع جاحد.

4) ماردتش على رقم شايف إنه حواراته مكررة، ومش هايفيدك بحاجة، أو هايضيع وقتك.

5) تركت شغل كان مُجدي ماديًا، بس مرهق نفسيًا وبدنيًا.

6)اشتريت حاجة وطلعت مش مناسبة خالص، اتبرع بيها عشان دي رزق غيرك.

7) قطعت علاقتك بشخص مستغل، أناني، كذاب وحقود، رغم إنه كان بيفيدك ماديًا.

8) رفضتي عريس الكل قالك وِحِش وصعب، واتقدم لغيرك؛ واكتشفتي إنه طلع مظلوم من التهم دي.

9) تنازلت عن حب عمرك، عشان أهله مش مناسبين، واثقلوا عليك في تكاليف الزواج.

10)سجلت موقف شهامة مع قليل الأدب، واتردلك بسلبية من الشهود ع الموقف.

11) ساعدت ووقفت ماديًا ونفسيًا واجتماعيًا مع حد من أهلك.. وفي النهاية كل شيء راح طي النسيان.

12) أي اختيار غلط عملته في حياتك.. ثق تمامًا إنه كان نتيجة خبرتك وقتها، نفسيتك وقتها، مشاعرك وقتها، معلوماتك وقتها ووضعك بشكل عام وقتها.. فلا تندم، وبلاش تجلد ذاتك، وبص للي جاي واتعلم من الماضي.
_________________
#د_مصطفى_الديب
#لصحتك_النفسية