#أخبار_عالريق 601 يوم
✅يكتبها/سعيد الطويل

■الله يسعدكم بس تذكروا بدعائكم ومنشوراتكم الأسـ ـرى الستة المضربين عن الطعام ،ووصلوا صوتهم وسمعوه للعالم ،ما تتجاهلوهم ظنهم فينا خير ..ما بدنا نخذلهم ولا تستقلوا بحالكم صارلهم فوق ال111 يوم وهما صامدين عشان حريتهم .

■الاحـتـ لال رافض يفرج عن مقداد القواسمي للمرة الثانية ووضعه صعب جدا وممكن يستشـהــد بأي لحظة.

■رواتب غزة بلشت تنصرف من الليلة عالصرافات ورواتب السلطة الاحد ان شاء الله

■مجدلاني زي كل شهر بيطلع ينكد عالناس ويقلهم فش موعد محدد لصرف شيكات الشؤون الاجتماعية.

■منى جبر بالثلاثينات من عمرها اخت صاحبنا شادي جبر توفت مبارح من كور ونا وهيا حامل بالسابع الله يرحمها ،لكن الحمد لله جنينها بخير

■الشؤون المدنية سلمت مبارح للغرف التجارية بغزة 150 تصريح جديد للشغل باسرائيل

■حادث سير صعب عالاخر صار بخانيونس نقلوا منه 7 اصابات عالمستشفى

■الرجوب أعلن انه مؤتمر حركة فتح
الثامن حيكون في 21/3 الجاي بذكرى معركة الكرامة

■البنوك جمدت حسابات عشرات الجمعيات الخيرية بغزة بدون سبب

■وزارة الزراعة وزعت علف على 5000 مزارع من غزة حقهم مليون ونص دولار

■وزير الصحة برام الله بدها تبعت فوق النص مليون جرعة لقا، ح جديدة لغزة.

■عمال النظافة سكروا شارع الشيخ رضوان بغزة، عشان مخدوش رواتبهم ومستحقاتهم

■زيارات البنات لدور أهاليهم هالأيام خفيفة نظفية عشان فش نهار طويل ياخذوا فيه راحتهم هما وأولادهم ..تحملوهم

■يوم الاثنين مش هاد إللي بعده عطلة رسمية عشان عيد الاستقلال

■الجاج اليوم الكيلو ب11 شيكل بالسوق وكيلو صدر الحبش بعشرين

■عاملين عرض على قلن شامبو أكبر من قلن العصير بشوية بسبعة شيكل بس بعرفش شو وضعه وكمان معه فلقة صابونة هدية..

#صباح_الخير لأصحاب بسطات الرابش بسوق اليرموك وللشباب إللي بتزبط العجلات المستعملة وبتبيعها عشان تسترزق ،صباح الخير لكل ست بتطلع من الصبح عسوق الطير البلدي عشان تبيع شوية الجاج والزغاليل إللي عندها وتشتري أغراض الدار لأولادها ..

#صباح_الخير للعمال إللي فش عندهم ولا يوم اجازة بالشهر ونفسه بيوم يرتاح فيه ويضل قاعد فيه يلعب مع أولاده

#صباح_الخير للناس الزهقانة والناس اللي بدها تعمل روجيم إللي بيطلعوا من الصبحيات يتمشوا عالبحر عشان يغيروا النفسية

#جمعة_مباركة
وصلوا على شفيعنا النبي محمد ﷺ 🌹
5-11-2021