#أخبار_عالريق 567 يوم
✅يكتبها/سعيد الطويل
■عادي إنك تقرأ خبر ع هالصبح انه أسيـ ـر محكوم 19 سنة قضى منهم 18 بالظلم عند اليهود ،وبسبب الاهمال الطبي استشهد مبارح ..الله يرحمك يا #حسين_مسالمة
■الصلح خير ،بعد يومين من الطوش والمذاكل عالنت وقلبت بعدين جوا جامعة الأزهر اتصالحت الشبيبة مع الكتلة ونزلوا صورة وبيان مع بعض ولا كأنه صار حاجة.
■لسة خلصنا من طوشة الأزهر لقينا طوشة ملهاش لزوم قايمة عالانستا جرام ،ونمت وهيا مش مخلصة..بعرفش شو صار..؟
■الهيئة المستقلة نزلت بيان بتطالب فيه بحل شرطة الجامعات.
■ما علينا ،المهم حـ.ـסــاس رفضت انها تشارك بأي انتخابات للبلديات مش كاملة ،وفيها خيار وفقوس.
■تعون الجـהــاد بيقولوا انه انتوا عارفين موقفنا من أول احنا بنشاركش بالانتخابات هيك هيك.
■وضع الأسـ ـرى صعب عالآخر بالسجن والاقتحامات بالأقصى سداح مداح ،ومحدش مدور من القيادات حتى البيانات صارت تتأخر.
■في خبر كويس.. بالنسبة للكهرب الشركة بتقلكم انه حيكون في زيادة في ساعات الوصل مع بداية الخريف
■بيقولوا جاي منخفض جوي مليان ريح ومطر وزوابع الأيام الجاية.
■في طنطنة ع موضوع صفقة للأسـ ـرى بس لسة الكلام مش رسمي ،ومصر ضاغطة عالآخر بالموضوع.
■حيبلشوا توزيع 200 دولار لمجموعة من جرحى الحرب الأخيرة ع غزة.
■مباحث الشمال مسكت شبكة تزوير مصاري قد حالها.
■سكروا مقر هيئة التقاعد وكمان مدرسة بغزة عشان انتشرت فيها الكورونا .
■مبارح زي كل يوم فوق ال1200 حالة و7 ماتوا.
■كيلو الخيار بشيكل والتين بآخر طياحه والجوافا للعصير الرطل بخمس شواكل.

#السلام لروح #حسين_مسالمة البطل اللي راحت كل شبابه جوا السجن، انظلم بالزنازين وتعذب بالعزل وانهد حيله بالمرض واهملوه الكلاب بالعلاج ..
الله يرحمه قديش صبر وقديش عانى وبالآخر ربنا تولاه برحمته بعد 18 سنة بين أربع حيطان حينزل بقبر بين أربع حجار
ربنا يآنس وحدته ويجعل مثواه الجنة ..

#صباح_الخير للأبطال الستة إللي نسيناهم وهما لسة مطلعوش من الزنازين ،ولاخوانهم المضربين عن الطعام وللي قاعدين بالعزل الانفرادي الأسيـ ـرات الماجدات

#يسعد_صباحكم والجو برضه اليوم شوب

#هلا_بالخميس 🌹
23-9-2021