منتديات قلب فلسطين - عرض مشاركة واحدة - استضافة نقاشيه عميقه ولطيفه للكل تاليفي 😌✌

08-31-2021

اقتباس

المشاركة الأصلية كتبت بواسطة إبتسم دائما

وصباحك معطر بذكر الله
بسم الله أبتدي:
السؤال الأول:
الحين لو كنت بمجلس او بديوان فيه واحد من اخوتك وموجود كمان خالتك وخالك وكمان ابن خالك ووالدك
فجأه خالتك تقول لااخوك اصلا انت فيهم !بمعنى انت الاحسن وكمان اخوك اصغر منك الي تقوله هيك
وكمان حكتها اكثر من مره وبفترات متقطعه شو حيكون ردة فعلك ؟
هالسؤال واقعي صار لحد بعرفه

♦ ما بعرف والله ما مريت بهيك موقف
بس يمكن كنت بقول لمين طالعين ما ع أبونا وأمنا.

......

سؤال الثاني:
لو فيه حفله وكلكم معزومين وجبتو معكم ضيافه بس ضيافتك على قدك
وبمكان احد حكالك بالله هذي ضيافه تجيبها كيف حتكون ردة فعلك ؟

♦ الحمدلله ع النعمه ولا يكلف الله نفساً إلا وسعها.

....
السؤال الثالث:
المال والرزق بيد الله
الحين لو رزقك يدوب مكفيك انت ومرتك
وولادك وفيه اخوك اكثر منك عنده فلوس
ومرتك دايما تبقى تنق شفت اخوك شفت ايش معهم لو انت بتعرف تشتغل كان رزقك غير
كثير بيقول بطلقها واخلص بس لو فيه ولاد بينكم حتكون ردة فعلك الطلاق برضو؟

♦ الطلاق عمره ما كان الحل.

.....
السؤال الرابع:
الاولاد والغيره بينهم
تتوقع ليش يغارو الاخوان من بعضهم هل انه الاب بيفرق بينهم
او هذي فطره بالبشر والكل يغار ؟

♦ فطرة أكيد.

وكمان مع انه الغيره بين الاخوه تولد الكره والعنف ؟

♦ كثير والله لدرجة الأذى.

وكمان يوصل العنف من الاب او الام انه ابنهم يفكر ينتحر ؟

♦فيه إحتماليه لهذا الشي. مع إني بعرف أحد عمل هيك.
....
السؤال الخامس:
لو شفت ولد عمره ٩ سنين يدخن ايش اول جمله بتجي براسك
هل اهله ماعرفو يربوه او انه مرافق صحاب سيئين
طيب لو اكتشفت انه هذا الولد مرافق ابنك شو تصرفك؟

♦ مثل ما حكت البريئة بحط اللوم ع الأهل
لإنعدام الرقابه ويمكن يكون الأهل السبب فيه
لعدم إهتمامهم لأبنهم وسؤال عنه.

ما بخلي إبني يرافق شخص يدخن
أكيد راح لاحظ لأنه عندي عقده بالدخان
ولو ما أنتبهت عاد ما عندي حل غير أحكي معه
وبلاقي حل للموضوع.
......

السؤال السادس:
بمول لو صار وبنت غابت عن الوعي ومفي غيرك بهذا المكان وزوجتك معك
تحملها وتسندها عالكرسي لحد ماتفيق
او تنتظر تجي الاسعاف وتتركها علاارض ؟
حواء تقبلي زوجك يشيلها ويساعدها بين ماتجي الاسعاف ؟

♦ بقبل يساعدهاا.
.......

السؤال السابع:
كيف تحكم انه بيت فلان ماشاءالله كرماء وعندهم ذوق
بس تشوفون ضيافتهم واكلهم او من ترحيبهم لكم واهتمامهم ؟

♦ بطريقة معاملتهم معنا وكلامهم.
.....

مختارات
كم مره ضحكت وخاطرك زعلان بس منشان تبين انك بخير ؟

♦ ما بينعدوا بنوب.

كم مره حكيت شي وعملت عكسه وانبك ضميرك ؟

♦ ولا مرة لله الحمد

كم مره قلت معاد اهتم لهذا الانسان وبتلقى روحك لاارادي اهتميت فيه؟

♦ صارت مرات تضطر تهتم بيه.

كم مره حسيت انه الاحساس بداخلك مستحيل يحتويه كتاب او اقتباس ؟

♦ ولا مرة

كم مره مر امامك شخصيه او مقتطفه من روايه وحسيت حالك المقصود فيها ؟

♦ عدة مرات.

كم مره بتغسل وجهك خلال اليوم ؟

♦ كثير.

كم مره بتحط عطر او معطرات جسم ؟

♦ بحط مرات ما دائما لأنه بنسى
بس أكثر شي بحط واقي للشمس.

كم بتسبح خلال اليوم ؟

♦ يومياً لله الحمد.

كم مره بتوقف قدام المرايه وتعدل شعراتك؟

♦ أنا والمرايه مالنا صحاب فيني أقول بنساه لشعري هههه.

كم مره بتخرب فراشك وبترجع?

♦ مرتين بوقت النوم.

كم مره كسرت كاسات بمطبخكم ؟

♦ كثير والله ومن يومين كسرت كاسه.

كم مره كسرت شيء وخبيته لتشوفه والدتك ؟

♦ ولا مره بخبرها ع طول.

كم مره تجهزت وبعدها تكنسلت الطلعه ؟

♦ مرتين الأولى لوضع طاري
والثانيه حرمت روح معه.

حبيت الأسئلة كثير
حلوين ومختلفين عن السابقين
يعطيك ألف عافيه
ربي يسعدك ياقلبي♥

اجوبه رائعه حبيت
تفاعلك معي
دامت طلتك البهيه حبيبتي
ومايحرمني حضورك