في ظاهرة غريبة جداً والمشكلة إنها كبيرة بين الصبايا، هي بوست عز أهلي وأهلي ما نقصوا عليي شي مشان هيك أنا شبعانة وأنا وأهلي، بمعنى كيف أهلي أصرفوا عليي.

إنك تكوني نفسك عفيفة وعينك شبعانة هاي تربية وأخلاق زرعوها فيكِ أهلك وأنتِ صغيرة .. الأواعي والأكل والطشات مو عز ولا تربية.
العز شي بعيد كتير عن اللي بتحكيه، العز بمنعك أصلاً تحكي هالحكي.

سدر المنسف مو عز أهلك ولا لبسك الغالي هو عز أهلك ولا سياراتكم ولا بيوتكم .. كل هادا فضل من الله أنعمه على أهلك.

عز أهلك هي أخلاقك، تربايتك، تواضعك، سمعتك الطيبة، لسانك الحلو❤️