#أخبار_عالريق 349
✅يكتبها/سعيد الطويل
■ الوضع اللي احنا فيه بيبشرش بخير وعدد الإصابات بيطمنش وربنا يجيب اللي فيه الخير.
■اليوم حيعلنوا عن 735 حالة بالقطاع وبعدها في عدد مش بسيط بالدورة الصباحية.
■ تسكير البلد جاي هيك هيك ،بس الأمور بدها امكانيات وترتيب الوضع قبل ما تسكر .
■أكثر من 334 حالة معاها كورونا بدها رعاية ومتابعة،منهم فوق ال 100 حالة خطيرة.
■جرار الاكسجين اللي بغزة بتكفيش بهيك وضع.
■تقرييا خمسمية واحد من طواقم وزارة الصحة انتقلت الهم عدوى الكورونا.
■ال100 دولار تبعت العمادي حيصرفوها بعد رواتب رام الله وغزة.
■توفى حكم بلعاوي بعمر 81 سنة كان وزير الداخلية زمان وعضو مركزية بفتح ..الله يرحمه.
■بكرة حيكون في لقاء للرئيس أبو مازن مع الملك عبد الله وبعد بكرة مع الرئيس السيسي.
■الدنيا فاعت بعد منع وزارة الاقتصاد لمنتجات محلية للجنيدي وشركات تانية انها تدخل غزة ،والوزارة بتقول الخبر مش صحيح مع انه في كتاب منشور .
■اير.ان لسة قاعد بتهدد انها حتضرب تل أبيب رد على الاغتيالات اللي قامت فيها.
■ سكروا تسع مدارس في سلفيت وأربعة في بيت لحم وحولوا التعليم فيها لأم عدنان وأم ابراهيم يعني الكتروني عالواتس أب.
■زي اليوم سنة 1947 أعلنوا بقرار أممي تقسيم فلسطين خاوة وخربوا الدنيا.
■مبارح فوق ال55 حالة ماتت من الكورونا بالأردن.
■فش موعد رسمي لسة لصرف شيكات الشؤون.
■فتح بتقول انها متمسكة بموضوع المصالحة وفش مشكلة انها تعمل انتخابات من بكرة ،بس 7.ماس بدها اياها بوقت واحد .
■عاملين عرض ع علبة شوكلاتة أم السبعين شيكل صايرة بتلتعشر شيكل ووحدة تانية بسبعة بدل خمسة وعشرين.
■

#صباح_الخير للمهمومين والمديونين والمقهورين واللي مش دافعين أجار الدار واللي مش قادرين يحطوا نايلون فوق سطح الزينقو عشان متدلفش المطرة ع أولاده وهما نايمين.

#صباح_الخير للناس اللي لليوم عايشين عالشمعة وبطارية ليدات صغيرة بتضويش أول الليلة وبعدين بيضلوا عالعتمة .

#صباح_الخير لكل شب بيطلع يلم رزقه يوم بيومه وبيسرح من الصبح للمغربية عشان عشرة شيكل يادوب تكفيه مصروب اخواته الصغار.

#يسعد_صباحكم والحمد لله على كل حال 🌸
الأحد 29/11/2020