منتديات قلب فلسطين - عرض مشاركة واحدة

10-06-2020

كيف بنظرك ينجح أي منتدى ...؟
ازا كانت الإدارة ناجحة
و علاقة الأعضاء مع بعض طيبة

وكيف يستمر ...؟
تواجد مستمر للأعضاء و المشاركات الفعالة

وما اسباب اغلاقة ..؟
قرار من إدارته

وما دواعي انهيارة ..؟؟
ازا ما انوجد اللي ذكرتهم فوق
بنهار اكيد

انت ك عضو او مشرف او اداري بتشوف حالك ماخد حقك بالمنتدى او مظلوم ببعض الشغلات...؟
لأ ما بشعر بالظلم
بفوت و بشارك و بتسلى و في نسبة قرّاء و متابعين جيدة لمواضيعي
و ازا شاركت بمسابقة بحصل على جائزتي
لهيك ما في ظلم

اشي مابعجبك وبستفزك بالمنتدى...؟
هو ما بستفزني لكن ممكن مزعج شوي او خلينا نقول لفت انتباهي كذا مرة

لو نزل موضوع اليوم ، و كان في متله موضوع سنة 2016
ليش ينقفل موضوع اليوم و ينتقل ع المكرر .؟؟
اكيد ما رح نرجع نقرأ او نرد على الموضوع تبع 2016
و بهالطريقة خسرنا ما يقارب 10 مشاركات

يعني لو الفترة بعيدة معلش اتركوا الموضوع الجديد

هالشي ما بأثر ع المنتدى

كمان مواضيع اسئلة سواء عن الأعضاء او نقاشية
ازا مكرر برضو بنغلق !
برغم نحنا كل يوم عنا اعضاء جداد و اكيد هيك مواضيع حلوة تتكرر او نرجع نجاوب عليها و يجاوبوا الأعضاء الجداد عليها
بالذات الأسئلة عن الأعضاء حلوو تتكرر كل فترة

اشي بعجبك بالمنتدى وبخليك متمسك فيه ومهما صار مارح تتركه..؟
كله عاجبني
تمسكي فيه هو ان الناس اللي وعيت على هالدنيا معهم موجودين هون
انا صدقاً قبل معرفة المنتدى او الأعضاء ما كنت عايشة او ما كنت بهالشخصية هاي ، حاسة وعيت معكم
الأشخاص هم السبب بإستمراري هون

لو لحظت شي غلط او ماعجبك بالمنتدى شو بتعمل...؟
بحكي مع اداري

حاولت تنزل اقتراحات ومواضيع جديده وهادفه. او مسابقات بما انك عضو وفرد بالمنتدى الي بنعتبره بيتنا التاني كي يستمر المنتدى..؟
اكيد حاولت و لإلي مواضيع
ممكن حالياً تاركتهم مؤقتاً لأن مشاركتي من الجوال صعبة
بس جبت لاب جديد و هلأ بتفاعل اكتر و احتمال كبير جداً اجددهم

طيب انت حبيت المنتدى قدمتله اشي ..؟
اكيد قدمت و لسا بقدم و رح قدم له ليوم اقرر اتركه

في عندكم اي اقتراح او سؤال او اي اشي بخص المنتدى..؟ ياريت تحكوه وبكل صدق وامانه كي نرتقي بمنتدانا الغالي..
حالياً ما في شيء صراحة
ربي يديم هالمكان و المتواجدين فيه .

الله يعطيكِ العافية و يسعد صباحك
حبيتهم جداً جداً .