أيام قليلة وبيجي العيد 😇💜

ومن اليوم بذكركم (العيد من شعائر الله)
جماعة "ولا كأنه عيد" .. وجماعة "اصلاَ بقضيه بالبجامة" و"كورونا ما خلتنا نفرح برمضان ونفس الشي بالعيد" .
قدوتكم الرسول -صلى الله عليه وسلم - كان يؤمر الكل، رجال وشيوخ و نساء واطفال يطلعوا و معهم الزينة و اللباس الجميل و الكل يهني بعض و ينشدوا و ينبسطوا !

لأنه الله -سبحانه وتعالى- قال: {ومن يُعظم شعائر الله فإنها من تقوى القلوب} !
لهيك التقليل من شأن العيد و اظهار النكد ولا كأنه عيد، يدل على نقص تعظيم الله في القلب فاحذروا !

اللبس والتزين و الفرح مو للشارع ولا للناس ! 🤫
إلبسوا وتزينوا ببيوتكم لانه اظهار الفرح عبادة 🎉

السكاكر و البلالين والمعمول والقهوة .. كل أجواء العيد انشروها في بيوتكم لو ما زاركم حدا ! 🎂🎈🎊
اجبروا خواطر أسرتكم ولا تحرموهم العيدية واللبسة مهما كانت بسيطة .. حتى يشعروا بعظمة ديننا و يعرفوا إنه الفرح بشعائر الله أعظم بكثير من الفشخرة لعيون الناس وحكي الناس !

و تذكروا { قُل بِفضل اللّٰه ورحمته فبذلك فليفرحوا } .💜