ماحدا فينا بيعرف شو مخباية البيوت ورا حيطانها
وقديش في أسرار مستورة بعتمة هالليل
ماحدا فينا بيعرف شو حاملة القلوب وباسم مين عم تنبض
محدا بيعرف بالنوايا
ولا بشو العقول مشغولة
تعلموا ما تحكموا ع الناس من خارجها ولا من اول لقاء ولا بأول حديث
ولا تتسرعوا بهالأحكام في أشياء كتير لسا ما كتشفتوها والزمن كفيل يظهرها
خليكن عميقين…… في ورا كل كلمة معنى
صح العمق بتعب بس أحياناً في ناس محتاجة تفهموا معنى كلامها……
وحتى معنى صمتها.… .
أحياناً بكون في كلام ما بيوصل…… ..وفي أشياء ما بتنحكى
وفي كتييير أشخاص بتتغير…… ..وكتير ناس مخادعة
بكون في حزن ويمكن فرح…….. ألم وغصة
وكتيييير هموم
بكون في حب وأحياناًكره
في رسائل مخباية بدورج النسيان……
وفي عيون عم تبكي كتير
من غصتها… وبجوز من فرحتها
في حدا عم يحكي عليك وحدا عم يمدحك
في كتير شغلات ما منعرفها
ومع الوقت منكتشفها
يا بتصدمنا وبتعلمنا درس
أو بتبسطنا ومنضل منتذكرها
هيك هيي الحياة