هو :

شخص مختلف، بحسه متل خط مستقيم بزحش يمين وشمال،
رغم إنه بالبدايات كان اسلوبه مش حلو،
وحاليا ما بعرف شو اللي غيره للأفضل !!
كنت معجبه بشخصيته رغم اسلوبه اللي مكنش مرغوب عند حدا،
كنت معجبه بشخصيته رغم إنه جرحني شي مره !! مرق ع هالموقف سنتين،
اتصوروا قديش هالفتره طويله ويمكن اكتر من سنتين، بس انا منسيتش ومش رح انسى،
يمكن لإنه اثر في من هالموقف او يمكن لإنه بحسه بشبهني بعدة شغلات، ما بعرف انو وحده من هالاحتمالين !
فل فتره، ما بعرف إذا كان بستحق إنو يفل، ومع هيك كنت اسأل عنه بغيابه بيني وبين نفسي ..
من شي يومين قريت جواب إلو خلاني اسأل حالي، إنه هل في تشابة بالمعتقدات بين الديانات؟؟!
حبيت أسأله شخصيا لإنه عنجد جوابه ع الموضوع يللي كان مطروح، كان جواب غريب من شخص مسلم،
كونو هالمنتدى اغلبية اعضائه مسلمين وإذا مانيش غلطانه اللي عم بحكي عنه مسلم برضو،
بس مقدرتش اتوجهلو لحتى اسأله لإنه مفش معرفه شخصيه بيني وبينه ولا حتى معرفه سطحيه،
كنت دايما اقول عنه ضعيف بالتواصل مع الاناث تحديدا بس هاليومين اكتشفت العكس، إنه بقدر يتواصل معون ويعمل لغه بينو بينون ..
وبحب احكيلو إنك من ضمن الشخصيات المميزين بنظري فالمنتدى بغض النظر عن كل اشي، لإنه انا لمن بتطلع ع شخص، بركز ع ايجابياته اكتر من سلبياته،
عندك ايجابيات وعندك سلبيات، بس ايجابياتك مُلفته اكتر، رغم إنه سلبياتك بارزه وواضحه غير شكل !
اتواجد دايما، لإنه في اشخاص بحبوا يشوفوك موجود وانت بتجهل هالاشي

/

ملك بهنيكي ع هالموضوع المميز،
وما بعرف يمكن اكتر موضوع لفتني لحديت إسا،
رح ابعث تقييم لإنه بستاهل واكتر،
ولازم يتثبت من وجهة نظري ..
يعطيكي العافي ..