منتديات قلب فلسطين - عرض مشاركة واحدة

04-15-2018

هل يمكن الحديث عن صداقة أفلاطونية مع الجنس الآخر؟
هالمصطلح المفروض ينمحى عنا لأنه بديننا كل أنواع الإختلاط خارج إطار الزواج محرّمة
إلا للضرورة القصوى مثل أرملة ولازم تعمل وتشتغل ومافي عمل بدون اختلاط ففي هاد الموضوع عادي
لأنها بتبقى مسألة حياة أوموت ..
وهل تتحول الصداقات مع الوقت إلى علاقات حب؟
مافي صداقة عادية بين الرجل والمراة في حب
الحب مو حرام أنك تحب حدا او تترقبو شي عادي
بس أكيد الشيوخ هلأ حيحكوا هاد طيش ورح توقع بهاوية
وهالشي نفسه كان بوقت النّبي عليه الصلاة والسّلام
واكن بينصحهن بالزواج وفي حديث بقول فيه : :[ لا أرى للمتحابين إلا النكاح ]

أين يقف العلم والدين من مسألة الصداقة العذرية؟
مافي صداقة عذرية هاد أكذب مصطلح لتبرير شي حرمه الإسلام
هيك المفروض طالما احنا أول شي لازم نعمله لما نواجه أي مسالة
هي اننا نشوفها من زاوية الدّين والإسلام ولا بشو بنفرق عن الغرب والكفار

ولكن هل تعتقد أن هناك صداقة بين رجل وامرأة؟
بقول في حب مافي صداقة لأنّه مافي صداقة بدون حب ، صديق ما سواء رجل أو مرأة أنت شو بتكنه له جواك أكيد حب بس بتفرق طبعًا
الحب أو الصداقة شي فطري مافي حد بتجرأ ليحرمه ، بس الإختلاط محرّم ، والي هو حاليًا صداقة طلعات وسهرات
أم هي علاقة تخفي من وراءها هروباً من حياة زوجية فاشلة؟
يمكن هالسّؤال بذاتو من وراه مقصد ما ، الحب مابيجي من ورا زواج فاشل بالتحديد
هو عموما ما إلو وقت او ظرف معيّن ، يمكن الجفاف العاطفي عند الناس هلأ هو الي بيدفعون
ليخلقوا أعذار ومبررات للصداقة والحب .. أو يمكن حتى فضاوة بس وقلة الوازع الديني طبعا أول سبب ..
فهل للصداقة بين الرجل والمرأة وجود أم أنها مجرد قناع لنوع أخر من العلاقات ؟
الصداقة فيها حب غير هيك مافي قناع آخر إلها ، مبعرف شو بيفرق عند الناس بين الصداقة والحب
بدهم يخبوا الحب من ورا قناع الصداقة العذرية مع أنو مافي فرق بينهم
بدهمش يعترفوا أنهم برتكبو خطأ ، وفوق ما بدهم يعترفوا بدهم يصيّروا هالشي حلال "يعني احنا ما بنغلط"
|طبعا قصدي هون أنهم يختلطوا بدافع الصداقة العذرية| ..
.. موضوع نقاش مميز ، عوآفي ..