منتديات قلب فلسطين - عرض مشاركة واحدة

04-08-2018

إنسان مستهتر طبعًا أو حتّى مابيعرف شو هي أساسيات الزواج
بس شايف ناس بتتجوز بدو يتجوز باي طريقة .. والبنت متله أو أكثر
كونها سايرته في استهباله وحماقته
ومافي شي بيقهرني مثل تحديد الصفات ع أساس أنه يوسف أو مابعرف شو بكون
/
بالنسبة لأسئلة خالد
اه ، شخصيًا مابعتبر نفسي بحاجة لوجود شخص ما بجانبي مهما كانت الظروف
ولأني دايما ما بحب أربط حياتي بشخص ما ، هلأ لما بدك تتجوزي عنا يعني بدك تتحملي كلشي بيجي من هالشخص
ضرب وغضب ، بالإضافة إلى اني شخص غير مسؤوول ، مابحب أرتبط بمسؤوليات ، هالشي بتعبني جدا ، مزاجيتي الحادة هي الي بتمنعني
يمكن الحال عندكم بيختلف بس عنا هيك بلا مبالغة ، وكمان هلأ لما بدهن يتجوزوا بحكي بدي أكمل نصف ديني
لأ أنا قبل مايكون بدي أكمل نصف ديني بكون لازم بدي هالشخص بذاته ، كيف يكتمل ديني والبيت ينهدم
لأنه مستحيل تتوافق مع شخص مابتعرفه ، بشوف أنه لازم نكون بدنا نحب بعض ويكون عندنا رغبة في العيش مع بعض
تا يكتمل الدين بما تعني الكلمة ، طبعا الزواج علاقة قدسية لازم تتخللها مشاكل صغيرة بس لو كبرت وصلت لحد عدم الثقة والإحترام
وترويع الاولاد وتشتيت العيلة وحتى لو كانت عايشة مع بعض بس كل حد عايش بعالمو ومآسيه ، خلّص ببقى هدمنا نص الدين اليس كان عنا مو كملناه
وبلإضافة الرسول عليه الصلاة والسلام كان بيعرف أزواجه كلهن قبل ليتجوزهن ، مو بس بدي أكمل نصف الدين أروح جيب وحدة طويلة وبيضا
أيام عسل هالزواج مابتدوم لأكثر من شهر لما بيبان الجانب الآخر الي مابنعرفه ، بس لو تكون على معرفة بالشخص وتكون متقبله كيف ماكان
بتبقى عشرة أبدية مثل ماهو مطلوب ..
يعطيك ألف عافيةة خمر ..