منتديات قلب فلسطين - عرض مشاركة واحدة

10-20-2017

/ ما موقفك لو اخبرك ادم بعد فترة من الزواج انك اصبحتي لا تطاقين وانه سيبحث عن اخرى
لتسعده وليكمل بقية حياته معها بعيدا عنكِ ؟
هاد مِش سبب مُقنع ليتزوّج ، واذا قعد وحكى معي بوقتها بغيّر من حالي عشان أسعده ،
أمّا اذا تزوّج فَ أنا ما بضل عندو ، يا أنا يا غيري .
/ لو وجدتي ادم يقضي وقته مع اصدقائه ومع اهله اكثر من قضائه معكِ فهو لا يراكِ سوي ساعات الغداء
والعشاء والفطور والنوم فلا يُخرجكِ للتنزه او الى اي مكان اخر في مثل هذا الموقف ماذاا تفعلين ؟
بحكي معه وبنتفاهم ،
يعني أنا صرت جزء كبير من حياته ولازم يهتم فيّ ويقعد معي أكثر من هِيك ،
الزواج مسؤوليّة و إلّي مِش قد المسؤوليّة ما يتزوّج ، الزوجة مش مجرد وحدة يرميها بالبيت وما يهتم لها
/ لو خرج زوجك صباحاً وعاد بعد منصف الليل وداوم على فعل هذا الامور شهر واكثر
هل من الممكن ان تشكين في تصرفاته واخلاقه ام انكِ تثقين به لدرجة انك لن تساليه عن غيابه المطول ؟
ما بعرف إذا بشك ولا لأ بس بسأله ليش بتأخر ،
وكمان أنا ما بحب الزوج إلّي بسهر كتير خارج البيت وخصوصي لو كانت الزوجة ساكنة لحالهاا بعيد عن أهله
/ حواء ما رايك بالمراة التي تعامل زوجها كانه خادم لها او كانه ابنها بسبب ضعف شخصيته
ومدى تاثيرها عليه بجاذبيتها جمالها وبقوة شخصيتها ؟
هاد بدها حرق ،
يعني ممكن يسساعدها شوي مش كله وهيّ قاعدة بتتفرج عليه ، كل حدا وله شغله بالبيت .

/ لو شخص حبتيه وحبك وبنيتوا علاقتكم على الزواج وبعد كل هالعلاقة
ادم قال انا مابنفع اكون الك ومابدي اياكي ومش انتي البنت الي بحلم فيها شو ردة فعلك؟
عندي قااعدة " إلّي ما بدو ياني أنا كمان ما بدّي إيآه "
صحيح بزعل كتير بس بنفس الوقت بحكي لحالي لو كان بحبني بجد ما بتركني ، وهو الخسران .
/ لو طلبتي من ادم التعاون معك في العمل المنزلي وفجأة وجد ذلك اهانة كبيرة له
وقام بتوبيخك وزجرك ماردة فعلك ؟
مش عارفة شو ممكن أعمل بوقتها لكن ما بطلب منه يعمل إشي تاني ، بس الزوج المتعلم والفهمان ما بعتبره اهانة وبشتغل .

/ لو كنتِ امراة موظفة وزوجك عاطل عن العمل هل توافقين على اعطائه المال كله اذا طلبه ؟
أيْ نعم بعطيه إذا كان محتاجه ، وأنا من حالي كمان حتّى لو هو بشتغل كنت بعطيه إذا كان مش ناقص عليّ إشِي .
/ ما هو الموقف الذي يجعلكِ تتحولين إلى حواء شرسة؟
ولا إشِي ممكن يحولني ل شرسة لإنه الأنثى بطبعهاا رقيقة وما بليق فيهاا إلّا تكون هِيكك .
/ لو قدمتي لزوجك هدية ما وكما نعلم الهدية لا تباع ولا تشتري وقام ببيعها ماذا تفعلين ؟
بزعل منه كتييير وما بجيبله تاني كمان
/ عندما يقوم ادم بضربك لانك اخطأتي بحقه هل تنقمين عليه وتدعين عليه بالسوء ؟
أنا أكثر إشِي بخوفني من الزواج الضرب ، يعني أكِيد مِش رح أعمل إشِي بعصبه كتيير لدرجة إنه يضربني .
/ لو علمتي ان زوجك او حبيبك على علاقة مع امراة اخرى عن طريق الانترنت كيف تتصرفين؟
بطلب الطلاق ،
إنْ كنت أنا مِش مقصرة معه ولا بإشِي ليش ليبحث عن غيري ،
إذا جاب التاتية بجيب التالتة والرابعة كمان ناقصني أنا
/ كيف تعبرين عن غضبك في حضرة أدم ؟
بضل ساكتة ما بحب أحكي لمّا أغضب

/ الرجل الذي يأخذ رأي المرأة في أي شيء ساذج ومحكوم كما يقول الأغلبية ؟! ما رايك ؟
لا طبعًا مِش ساذِج بالعكس حلو كتير الواحد يآخد رأي زوجته ويشعرهاا بأنها مهمة بالنسبة له .
/ لو خطبكِ شخص امكانياته ضئيلة جداً وأتي رجل اخر لا يعلم انكِ مخطوبة وتقدم لخطبتكِ وكان ميسور الحال وموظف
هل تفسخي الخطوبة من الأول لتذهبي الي الاخر ؟
لمّا بدي اختار شخص ليكون زوجي بدو يكون قادر يعيشني ويسعدني ، اذا الأول مِش قادر ليش لأرتبط فيه من الأسااس ،

/ هل انتي من محبي الرجال الرومانسين ام الجادين في حياتهم ؟
بفضّل آدم يكون رجل بكل معنى الكلمة .

/ هل تسمحين بالمستقبل لزوجك بالسهر خارج البيت لوقت متاخر وان فعل ذلك ماذا تفعلين ؟
اذا كان شغله بيطلب سهر ما عندي مشكلة ، بس اذا كان بسهر مع أصحابه وتسلاية هِنا بتكون المشكلةة وخااصة لو كانت زوجته لحالها ساكنة بعيد عن أهله بوقتها اذا كان بفهم ما بقبل يتركها لحالهاا بالليل .
//
أسئلة حلوة كتيير
يسسلمو لونلي
دمتِ بخير ^^