الإعدام بالشنق ولا الإعدام رميا بالرصاص
 

السلام عليكم
بصراحه في سؤال مر بعقلي وحبيت استشيركم بالموضوع
شو الأصعب برأيكم الإعدام بالشنق ولا الإعدام رميا بالرصاص؟

وعليكم السلام ورحمة الله
صَعب حدد شو الاصعَب بِينهم، لإن فِی فرق کبِير بين إنى شوف حدا بيِنعدم " سواء بالشَنق أو رَمياً بالرصاص " ،وانی اجَرب إحساس العَدم! ، لإنى لما شُوف حدا بِينعِدم انا هيك اتَصلت مَع الإعدام بس مِن غَير أحاسيسي ومشَاعری، بَس إذا أنا راح آنعَدم فَهيك انا اتَصلت مَع الاعدام بَس بأحاسيسي ومشَاعری! ،لهيك مُستَحيل اعرف حَدد شُو الاصعَب بينهم بمُجرد النظر!، بَس بَعتقد الاصعَب هو الشَنق لإن إي حَدا لمَا بيلبس شي ويكُون ديق شوى عَ رَقبتُه بيِحس انُه مَخنوق لمُجرد بس انُه لَبس شي دَيق انخَنق !..أتخَيل يكون مَلفوف حَولين رَقبته حَبل عَريض وكمَان دَيق جِدا عَ رَقبتُه! اكيِد إحسَاس صَعب ، وبالنِسبه للاعدام رَمياً بالرُصَاص فأصلاً الرُصَاصه لما بتُدخل جِسم الإنسان بِيحس بتَنميل بجسمه بالأول قبل الوجَع ، وبَعدين مُمكن حَدا يضرَبه برصَاصة بقَلبه فتقضِي عَ حياته بدقَايق ويمكِن أقل!
والله أَعلم لأن مِتل ماحكيت في فَرق بين أن حَدا يحكى عَن شِي وهو مجَربه قَبل هِيك وحَدا يحكى عَن شِي وهو شَافه بالتِلفزيون أو سَمع عَنه ! سواء بالحَکی عن الإعدام أو غَيره
والله يبعِد الإعدام عن الجميع
شُكرا لنِقاشك صُهيب
دُمت بخير

الاختيار صعب اصلا الاعدام نفسه أياً كان صعب ..
لكن انا بحس أن الإعدام بالشنق أصعب يعني حتى أغلبنا ونحنا صغار لما كان حدا بيمزح معك ويخنقك كنت تحس انك خلص راح تموت وروحك بتطلع منك ! مع أنه بيكون خنقك براحه كتير وبتحس بهيك .. فشو بقى راح يكون احساسك اذا اتشنقت بحبل ديق ع رقابتك .. اكيد إحساس جدا صعب
وكمان الإعدام بالرصاص بحسه صعب يعني الإنسان بطبيعته لما ينشك من دبوس في ايده أو شي بيحس أنه مو قادر بإيده
اما بقى اذا كانت الرصاصة بتخترق جسمك !
اكيد شغله صعبة
لكن متل ماحكيت انا بشوف أن الإعدام بالشنق أصعب لأنه كمان انت بس تدخل الرصاص بجسمك مابتحس بيها إلا بعد دقيقه وبتحس انه جسمك منَِّمل فتخيل أن في كذا رصاصة دخلت بجسمك وبعد ٦٠ ثانية بتحس بيها .. اصلا بيكون عقلك انفجر وبالتالي قلبك بيوقف وبتموت .. لهيك الاعدام بالشنق أصعب من الإعدام بالرصاص بنظري
وإصلا بيكفي حالة الواحد النفسية بس ينحط بهل موقف .. الله مايكتب علي حدا انه يكون بهل الموقف ..

عوافي صهيب

اممم ما في اختار لانو ب كلا الحالتين راح بتوجع وبكلا الحالتين روحي وحياتي خلص راحوا !
بعتقد صعب على اي شخص يختار طريقة موته ! خاصة لو شنق ولا رمي ب الرصاص كلاهما طرق بشعة بنظري :)
بس الاعدام شنقا اصعب بكتير بنظري لأنو الروح بتتعذب وهي بتطلع عكس الرمي ب الرصاص ممكن ثواني ويموت بس احيانا الرمي ب الرصاص بكون الوجع اكتر لما م يضرب القلب وبضل الشخص ينزف
وبكلا الحالتين ربي م يضعنا بهيك موقف :)

شكرا صهيب

ربنا ما يكتبها علينا
اتصور الإعدام شنقاً اهون من الإعدام رمياً بالرصاص
شكراً لإبداء السؤال

الشنق اصعب لانه ممكن ياخد وقت وهو بيموت بعكس الرصاص،
وبالنهاية الامرين مؤلمات خاصة ع اهل المعدم حتى لو كان مذنب ..

حسسب تججربتي الآععدآمم ششنققآإ هههه :35:
عنججآد الـ 2 نفسس الششي بسس اتوقعع الإععدآمم آسسهل تكك اوبا مات ههههه ')
وردهه