أخبار_عالريق
 

#أخبار_عالريق 1181 يوم
✅️يكتبها / #سعيد_الطويل

▪︎جاية موجة شوب جديدة بعد بكرة وحتضل مشرفانا لأول الاسبوع الجاي

▪︎بدهم يبلشوا من اليوم توزيع 500 لكل طالب جاب بالتوجيهي من 98.4 % وفوق.

▪︎وزير التربية والتعليم تقاتل مع اشتية وقدم استقالته

▪︎رطل الموز بخمس شواكل بس بدك تلحق تاكله وانت ع باب الدار ..ملوش روح

▪︎اليوم لو عملتلك أمك أو مرتك #مجدرة بيكون عنجد يا نيالك ،لانه هيك أكلة بنص الأسبوع وبعز الفلس كانها منسف

▪︎بنرجع نعيد ونزيد متسبحوش بالبحر مليان دوامات وتيارات وعالي وفش منقذين كمان الصبح بدري ولا بعد المغرب

▪︎‏ع قولة #أبو_فؤاد مدندنة معاه عشان ابن جيرانهم الكبير متسلط ع ابنه بضربه كل ما يخسره بالبنانير ..
"علموا أولادكم الأدب بالأول ..وأجلوا موضوع السباحة والرمايه وركوب الخيل لبعدين "

▪︎بكفي تهييج عالناس فش ولا تعزيز للقبة في غلاف غزة ولا حشودات

▪︎احتمال يحددوا اليوم الصبح موعد صرف رواتب السلطة

▪︎اتصلنا بالوزارة عشان نسألهم عن بقية شيكات الشؤون قلولي يحمدوا الله انهم اخذوا ال100 دولار ..فش ابيخ من هيك رد صراحة

▪︎#أم_فؤاد انبح صوتها وهيا بتنادي على ابنها ناجي في الشارع بتحكيلوا ولَك تعال رد عليا وأكسب هالرضى الله يغضب عليك 😊

▪︎اسمع يخوي انت عارف انه أعظم أنواع الكفاح انك تحافظ على مزاجك الحلو وحواليك ناس بتسد النفس ..ابعد عنهم واشربلك كاسة برد وتحرقش أعصابك

بدناش كثرة خراف ولا بدنا نغلبكم ..بس بدي منكم لما تصلكم النشرة تحطوا الايك وتعليقكم الكريم عشان التقييد
و #يسعد_صباحكم
الاثنين 4 -9-2023🌷

الله المستعان
مشكور للمتابعة

الله يفرجها
يعطيك الف عافيه الامير

يعطيك العافية ع المتابعة
كل الشكر.

يسسسلمموو للممتابععةة
+ وردهةة

شكرًا ع المتابعة
ويعطيك العافية

يعطيك العافية
لادراجك ..

مشكور امير ع المتابعة و النقل
تحياتي