أخبار_عالريق
 

#أخبار_عالريق 1012 يوم
✅️يكتبها / #سعيد_الطويل

▪︎جو متقلب مزاجي كل شوية بحال زي راي #أبو_فؤاد فش عليه رباط ولا قرية بمقعد الرجال ..من الآخر لا انت عارف تشتي ولا تصيف ..

▪︎حتشبعوا بطيخ ان شاء الله ..بيقلك غزة زارعة 50 ألف طن هذه السنة..بس ما يكون زي السنة إللي فاتت كان فش إله لا طعم ولا لون

▪︎دراسة علمية جديدة لنج بتقلك انه الحاجة الوحيدة إللي ما بينسوها النسوان هي موعد العرس والحنة وفش امكانية يتأخروا عالموعد حتى لو بدهم يروحوا زحف

▪︎من يوم الأربع الجاي ممنوع حد يعمل حفلة بالشارع عشان التوجيهي

▪︎توفى مبارح الدكتور المحترم محمد عواد وكيل وزارة التربية والتعليم في الضفة الغربية بعد ما عمل حادث سير مؤسف بسيارته

▪︎اليوم ان شاء الله حتتشبرق البلد عشان رواتب السلطة

▪︎وقف تحويل المصاري من #غزة للضفة ومن #الضفة لغزة ع محفظة جوال بي ..بيقولوا عشان في هكر وشوية احتياطات أمنية

▪︎شب صيدلي انحرق مبارح بصيدليته في خانيونس احتمال كبير من ماس كهرب

▪︎عموما في هذه الفترة في الدور استنفار عشان دراسة أولاد المدارس يعني حتخف الحركة في البلد هذه الفترة

▪︎البعوضة هلهلت وماخذة راحتها بشوف من بدري هذه السنة ..بدنا البلديات تشد الهمة

#صباح_الخير للناس إللي بتتعب عشان خاطرنا وبتضل صاحية للصبح ..الناس المرابطين وإللي مداومين والدكاترة وإللي بمصلحة المية وشفت الليل بشركة الكهرب والممرضات والممرضين والدكاترة كل واحد باسمه ولقبه والمزارعين إللي بيصحوا من صراصير الصبح عالكيمسيون وبياعين العوقا إللي بيلقطوا رزقهم من الفجر وبسطات الشاي والقهوة ..

#يا_صباح_الخير والتفاؤل بوجه الله بكل خطوة بنمشيها ..
ربنا يفتحها بوجهكم ع قولة أمي الله يسعدها ويخليلنا إياها

الاثنين 8-5-2023 🍀

يعطيك العافية
دمت بخير

عواافي للنقل

يسسلمموو ديااتوو النششيطط
+ وردهةة

يعطيك الف عافيه
يسلمو

مشكور للمتابعة و النقل
تحياتي