#أخبار_عالريق 1088 يوم ✅يكتبها / #سعيد_الطويل
 

#أخبار_عالريق 1088 يوم
✅يكتبها / #سعيد_الطويل

▪︎من الآخر شهر خفيف ،صيامه سهل لا فيه عطش ولا جوع ..ويومه بيمر عالسريع
وهو الصايم أصلا شو بده يوكل ..

▪︎بيقلك الفلسطينية بياكلوا في شهر رمضان أكثر من 6 مليون جاجة عشان عزايمهم كثيرة ..والله يزيد الخير عالجميع

▪︎اليوم حيبلش العصيان الإداري بكل مرافق #الوكالة والأمور حتتصعد إذا ما لبت الإدارة مطالب الموظفين

▪︎الأمور بتل أبيب مولعة وو.حدة الكو.شوك نزلت للميدان عشان تحرق الأخضر واليابس قدام دار نتنياهو

▪︎ع كلام مرت بن غفير .. سارة شردت من الدار وراحت ع دار أولاد أختها بمنطقة بعيدة بالغلاف ونتنياهو طالب لجوء لألمانيا

▪︎بكرة بدهم يطلعوا مليونية اسمها ارحل ..وان شاء الله تملدن عندهم واحنا نتفرج

▪︎الأمور بالأقصى مقلقلة والأمور ممكن تتصعد بأي لحظة لانها مشحونة عالآخر

▪︎بالنسبة للحرب شكلها تأجلت عشان بيتطاوشوا اليــ ـهود مع بعض ..هذا الكلام ع ذمة سواق شغال على خط الدير وخانيونس

▪︎شيكات الشؤون حد الله ما حد بيعرف إلها علوم إلا مجدلاني وجوز بنته لانه بيسهر عندهم كل يوم برمضان للفجر

▪︎الدفاع المدني بيحذركم ما تركبوا سخانات غاز جوا الحمام لانهم خطيرات جدا

▪︎الجو لسة حيضلوا مشلقب بالنهار جو وبالليل جو تاني ، لكن بالصيف الأرصاد متوقعين توصل درجة الحرارة خمسين

▪︎الدولار وصل سعره بعد الوضع السياسي "بإسرائيل" ل 3.65

#صباح_الخير وربنا يسعدكم ويعطيكم لما يرضيكم وما يحوجكم لحدا ويجيكم رزق من وسعه ..
شو بدكم أحسن من هيك دعوة ..
ادعوا لبعض هذه أيام جبر
وإللي عنده أب وأم يروح يتمرمغ تحت رجليهم لانهم نعمة

و ربنا بتقبل منا ومنكم ..🙏
5 رمضان
الاثنين 27-3-2023

يسسلموو الامميرر
+ ييعطيكك الفف ععافيهه لمواضضيعكك
المميزهه ككلها
وردهةة

يعطيك العافية الامير
دمت بخير

مشكور للمتابعة و النقل
تحياتي لك

يعطيك العافية ع المتابعة
كل الشكر..