أخبار_عالريق
 

#أخبار_عالريق 1083 يوم
✅يكتبها / #سعيد_الطويل
▪︎أول أيام الخير ..أحلى شهر بالسنة كلها ..يارب يجعله مليان سعادة ورضا وبركة وتحقق فيه كل أمانيكم برمضان الكريم

▪︎زحمة ودوشة وأسواق مليانة ورزق واسع الحمد لله.. وأجواء بتشرح القلب بكل قرنة بشوارعنا وحاراتنا

▪︎أولاد بيلعبوا بسلكة الجلي وبيولعوا فيها نار وزينة رمضان وفوانيسها تقريبا عملت الجو الحلو بكل دار

▪︎شراشف وطناجر ضغط وصواني جديدة وطقوم صيني وصحون محدش بستخدمهم ودعاسات للرجلين ..عليا الطرشاق بتدخل محلات الأدوات المنزلية بتحس انه دورنا فش فيها كبايات للشرب .

▪︎الشؤون المدنية سكرت باب التسجيل للصلاة في القدس بعد ما سجل 10000 وبدهم بس 800

▪︎الأسر.ى انتصروا الحمد لله بمعر.كتهم وبهيك وقف الإضراب عن الطعام بعد ما اتفقوا مع ادارة السجن تترتب أمورهم تاني

▪︎أول يومين بتلاقينا بس فرحانين عالسحور وعاملين جو ومبعترة ونوعين لبنة وبراد شاي حلو بالنعنع وصحن فول مع دقة ،بعد هيك لو طلعلك سندوتش جنبة فينا مقحمش ..احمد ربك

▪︎بكرة محدش بتلاقيه معزوم الافطار إلا واحد خاطب جديد وراح يصلح بريزة الكهرب لنسايبه قبل الفطرة بنص ساعة عشان يشدوا فيه

▪︎عموما ما بدنا نطول عليكم
كل يوم حننشر أخبارنا بهذا الوقت

#رمضان_كريم وربنا يجبر خاطركم ويتقبل منا ومنكم يارب صالح الأعمال

1-#رمضان🌙
23-3-2023

عوااااافي للنقل

مشكور للمتابعة و النقل
تقديري

يسسلموو للمتااابعةة
+ وردهه

يسلمو ع المتابعه
وكل عام والجميع بخير

يسسلمو للمتابعة
كل الشكر