الذوق
 

من أكتر اللحظات المحرجة
لما تكون قاعد بمطعم ويجي شب يحكيلك
بشو تؤمرني حضرتك؟
أنا اؤمرك والله حرام اخوي.
انت ممكن تحكيلي مكان الشغلة وانا بقوم اجيبها ، بتخجل تحكيله طلبك وقتها ..
او لما تكون داخل عمارة أو مجمع أو بأي مكان عام ..
والحارس اللي انت قد اولاده يحكيلك اتفضل ويقوم بسرعه يفتح الباب او يقوم من مكانه ويساعدك ..
إحنا مش حضرتك ، انت السيادة والحضرة وتاج الراس ، احنا مين اصلاً قدام تعبك وشقاك وتعففك عن سؤال الناس ؟
ليش الشخص اللي الأيام جايرة عليه مضطر يتعامل معك هيك ، بسبب فرق الفرص بتوزيع الاشغال ؟
إذا الحياة ظالمتهم ليش لنشوف حالنا عليهم ونتعامل معهم بفوقية ، وهم انضف واحسن خلق الله ؟
الاحترام مش اخلال بالتوازن المجتمعي والطبقي ، الكبير المحترم بيفرض هيبته على الكل حتى لو كانت مكانته أقل منك ..
الذوق قبل ما يكون "سستم شغل" ، لازم يكون غريزة وفطرة عند الناس يلي بتفهم ..
الاحترام لازم ينفرض علينا تجاه هاي الفئة تحديداً ..
انت أكبر ومحترم حالك معي تقديرك واحترامك ع العين والراس ، هاد اللي انا تربيت عليه ..
والأهم انك ما تحسس حدا انه اقل منك بسبب ظروفه ، خليك بسيط وفكر بمشاعر الناس البسيطة بتطيب خاطرهم وربنا بيرضى عنك وبيجبرك وبيرضيك لأنك شخص رؤوف بخلقه ♥️

عوااافي للنقل


طرح قيم

ننااسسس ممرييضضةة
+ اصصلاا ههاد بيددل ع ججهلهمم
وردهه

الشغل مش عيب
بس مش حلوة بعمر ابي واتامر عليه او يفتحلي الباب
بدل ما اقوم انا بهيك امور
يسلمو دياتك يا رب

طرح حلو كثير
وفي فرق بين الذوق وقلة الكرامة
والشاطر الي يعرف الفرق ويعرف يتعامل

تحياتي لك

يعطيك العافيه

يعطيك العافية امير
تحياتي