كتبت رؤى الريماوي شقيقة القمرين جواد وظافر الريماوي
 

كتبت رؤى الريماوي شقيقة القمرين جواد وظافر الريماوي
الوجع اللي ما بتصور ولا بنحكى عنه:

- امي أول ليلتين ما نامت ضلت قاعدة عند الشباك تستنى جواد وظافر يرجعوا.

- أنا لهلأ مش قادرة أدعيلهم بالرحمة وأسبق اسمهم بألفاظ الشهادة والموت ، لساني مش قادر يحكيهم لإنه عقلي مش مستوعب انه جد هم مش راجعين، فانتو ادعولهم لحد ما الله يقدرني.

- رحت أدور عليهم بالمقبرة، لقيت ورد وصور الهم بس ما لقيتهم، دورت بالجامعة بكل وجوه الناس وبرضو ما لقيتهم، بقعدات صحابهم وبكل محل.. أنا لهلا بدور عليهم.

- بروح عغرفتهم كل يوم أول ما أصحى وبنصدم بكل مرة إنه الغرفة فاضية، هاد مشهد ما بعتاد عليه.

- الناس كلها بتحكيلك "اصبر، وكمل الحياة" بس محدا بحكيلك كيف؟ محدا بعلمك كيف؟ هاد الوجع مش طبيعي، اللي بصير مش عادي! مش عادي احنا كل يوم نقدم شهيد! هاد الوجع ممنوع حدا يعيشه! تمروش عأخبار الشهدا مرور الكرام وتكملوا اليوم عادي، هاد كله مش عادي!

الله يرحمهم ويرحم كل الشهدا
ويصبر اهاليهم يا رب😪

الله يرحمهم يارب
واكيد ألم الفقد صعب وصدقا
مفيش كلام يقدر يوصف الوجع اللي بنحسه
لما نفقد شخص قريب من قلبنا
الله يصبرهم يارب

الله يرخمهم للشهداء
ويصبر اهلهم
وجعهم اكيد كبير وما حد رح يحس فيه غيرهم
عوافي نقاء

وجع قلبي هالحكي والله
الله يربط على افئدتهم الصبر
لله ما أخذ ولله ما اعطى
الله يحتسبهم من الشهداء
الله يرحمهم ويغفر لهم
تحياتي

فعلا وجع الفقد بعمره ما كان عادي
صحيح ما بيكون قدامهم غير الصبر لكن مش عادي
الله يرحمهم ويفرجهاا علينا..

الله بيغغفر الهمم
+ يسسلموو نققاءء للنققل
وردهةة

الله يرحمهم جميعا ويجعل مثواهم الجنة
أما كيف ؟ فالزمن كفيل بها
أشكرك على الطرح المميز ��

والله م في أي كلمة ممكن تواسيها بهالحياة
الفقد صعب جدًّا
فما بالك لو كانت فاقدة اتنين بنفس الوقت
ربنا يصبرهم ويربط على قلبهم
ويرحم كل الشّهداء
وحسبنا الله ع الاحتلال.

عوافي ع الإدراج..❤️

شكرا لتواجدكم جميعا
اسعدني حضوركم
دمتم بخير،،

الله يرحمهم ويسكنهم الجنه
ماننحرم مواضيعك الهادفه