منتديات قلب فلسطين - أخبار

#أخبار_عالريق 992 يوم
✅يكتبها / #سعيد_الطويل

■يا مسهل يارب بكل أيامنا وأيامكم وجمعاتكم ولماتكم الحلوة بين أحضان العيلة ، وربنا يحفظكم وتضلوا بعاد عن الناس إللي بتحبش الخير لغيرها ويبعد عنكم مشاكل يوم الجمعة وزعاقها بعد الغدا وقبل الصلاة و كبة كاسات العصير من الصغار ودوشة دور الجلي وفصلة النت من الشركة وتخريب أولاد خواتكم

■زي اليوم قبل 18 سنة غابت شمس فلسطين ورحل أبونا الرئيس أبو عمار ومن يومها الله وكيلك ..واحنا بالنازل

■مهرجان هذه السنة بغزة حشده أقل من كل مرة ، ورام الله والضفة عملت الذكرى عالضيق بكم تجمع ومسيرة صغيرة وسلامتك وتعيش

■المهم الدولار نزل خبطة وحدة خمس شيكل ووصل ل 3.47

■بالنسبة للعشرين شيكل بالشتا في شغلات كثيرة ممكن تجيبها نسينا نحكي عنها زي حبيبنا ..يعني بتجيب ب 8 شيكل ابرتين للفلونزا ، 4شيكل لمون عشان تضلك تعصر وتقدح
و2شيكل محارم وب4 شيكل بابونج وأعشاب و7 شيكل علاج الاحتقان والشغلات الثانية

■مبارح الرئيس الجزائري انسحب من قمة المناخ لما طلع رئيس "إسرائيل" يحكي كلمته

■اعتقلوا من إيرز شب اسمه يوسف أبو ثابت من مخيم المغازي بالقطاع

■كبسوا كبسية مرتبة ومسكوا ليلة الخميس 370 فرش حشيش جوا البحر كانوا داخلات ع غزة

■من السنة الجاية ممنوع الحفلات تنعمل بشوارع غزة

■اليــ ـهود منعوا يتصدر السمك من #غزة إلى الضفة ..يعني المفروض يرخص هذه الفترة

■ وفد من 35 واحد من غزة لأول مرة بيشاركوا بتنظيم فعاليات كأس العالم 2022 في قطر

■وصل لقطر أول فندق عايم بالبحر سفينة خمس نجوم بتوسع ل6000 نفر

■الناس المحظوظة عاملة اليوم مفتول بطحين أسمر مع جاج محمر ومشهر ودقة من إللي يحبها قلبك ويخنية بحمص وقرع..يا سلام عالشغل لما يكون بنفس وتكون معزوم عليه كمان وتقعدلك ع صنية مع حد مش أكيل ..

#الله_يصبحكم_بالخير
واكسبوا الصلاة على النبي محمد صلى الله عليه وسلم ..🌹
الجمعة 11-11-2022