مشكلة وحل (1)
 

رح اطرح كل فترة مشكله
ونحاول مع بعض نلاقي الحل الافضل للتعامل مع هاي المشاكل

المشكلة كالتالي طرحتها احدى الامهات

عندي طفل عمره تسع سنوات وصار معاه شغله اليوم بالمدرسه وخارج المنزل
كسر تلفون ولد بالغلط والولد هاد اكبر منه بخمس سنين وحكاله اذا بجيبش مصاري غير احكي لابوك
او بحكيله انك بدخن يعني هدده
مع العلم انه ابني ما بدخن وانا بعرف
وعرفت من ابني بالليل اجا واعترفلي انه معطيه حصالة المصاري تحويشته
وانا وقتها انجنيت معرفتش كيف بدي اتعامل معاه لانه في هاذ العمر خايفه اضربه وخايفه اخسر ابني
كيف بتنصحوني اتعامل معاه وابعد الخوف منه
مع العلم ابني موفرله كل اشي من حب وحنان ودائما بقعد احكي معاه وازرع فيه الثقه بس ليش عمل هيك بعرفش

الولد تعرض للابتزاز
والمشكلة ليست بالولد
المشكلة في الولد الذي ابتزه
برأيي الخاص يجب مراجعة المدرسة وطرح الموضوع للإدارة
واتخاذ إجراء بحق الطالب المبتز.
يعطيك العافيه .

هو صحيح في ابتزاز وظلم لابنها
بس بوقتنا الحالي الام لازمها تكون على اتم الاستعداد
وماتحكي انو ابني وبعرفو مايعمل كدا ويعمل كدا
اصلا هو ليش مسك تليفون هاد الولد الاكبر منو
اكيد هذا صديقو وصديق سوء طبعا
وصديق السوء هذا احتمال انو يكذب ع الولد وهو مش مدخن
او انو فعلا ابنها دخن شي يوم معو او جرب مرة
المهم انو الام ماتعطي ابنها كل الامان
صحيح تحسسو انها تثق فيه كل الثقة
وف نفس الوقت تراقبو
لانو اذا هي قريبة منو بالفعل رح تكون ثقتو ف نفسو قوية ومايخاف
الا اذا هو بلفعل مدخن هون يخاف فعلا
ومابنعرف يمكن الولد هددو بشيء اخطر من التدخين وهو كذب على امو
كل شيء وارد
الحل انها تعرف كيف تكسب قلب ابنها
وتروح للاساتذة خفية وتسأل عن احوالو الدراسية
وكمان تاخذ ارقامهم مشان تكون على تواصل مستمر معهم
وتراقب نتائجو الدراسية
وتبعدو عن صديق السوء هذا



حبيت السؤال
يعطيك العافية حبيبتي

رأي اكتر من رائع
+1

يسعد قلبك لونلي

في البداية ما تحكي ابني وبعرفه
عندي طلاب أوائل تأثروا بطلاب أخلاقهم مش كتير
المدرسة جامعة لكتير نفسيات وافكار وأخلاق
اهم شغلة تتوجه للمدرسة تبلغهم شو صار مع إبنها حتى ما يتكرر مع حدا تاني
وتعمل رقابة بزيادة على إبنها ليكون جد بدخن او احتمال في قصة أكبر من هيك
بس الاكيد انها ما تسكت وتتوجه للمدرسة وتعرف الولد وشو وراه


يعطيكِ العافية لونلي

الصصبح بررد ♡

ابنها ما غلط اصلاً
و بالعكس الولد قريب من امه لأنه لجأ لإلها و حكالها
يعني الولد ممكن خاف من الموقف صح
لكن ممكن يتعرض لأي موقف و يخاف منه عادي
يعني لو هي ضربته لسبب ما رح يخاف !
يعني الولد مش بحاجة لعلاج او حلول !!

حل المشكلة من جذورها انه ابنها كسر تلفون ولد تاني
المفروض يتعوض بتلفون جديد
و هيك ببطل يبتز ابنهم
و الحق اصلاً انه يشتروا بدل اللي خربه ابنهم
و ترجع الحصالة

يعني الأب يتوجه للمدرسة و يطلب مقابلة اهل الولد و بتنحل القصة

الولد التاني تصرفه ردة فعل
طبيعي بدو مصاري او جهاز جديد عشان يعوض خسارته
انا لو حد خربلي شغلة بكون بدي يجيبلي غيرها
فما بالك طفل عمره ١٤ سنة !

تحياتي

فكرة الموضوع حلوة لونلي
الله يعطيكِ العافية
تحياتي

لو في صراحة وكلام وبتزرع الثقة بابنها متل بتحكي
كان اجى وحكالها هيك صار ف هو ممكن ما بخاف من امه لكن بخاف من ابوه
ومش محتاج الموضوع عقاب بشوية كلام بتفهمه انه يحكلها كل اشي بيصير معه
واي مشكلة بتواجهه يحكيها عشان تساعده يحلها.. ما يتصرف من راسه

يعطيك العافية

اكيد هالشي كخطوة اولي شي مهم
المفروض تكون الادارة ع علم بهادا الشي
ويكون كمان متابعه مع اهل الطالب المبتز
شكرا جولدن ع مشاركتك ورأيك
نورت موضوعي