أخبار_عالريق
 

#أخبار_عالريق 893 يوم
✅يكتبها / #سعيد_الطويل

■الأمور شوية رايقة اليوم ،بس برضه في كذا قصة صارت بالبلد بدنا نصبح عليكم فيها.

■في 3 أشخاص انقتلوا بطوشة عائلية جنوب الخليل مبارح بعز الظهر.

■لقيت الشرطة برضه جثة لشب مقتول كمان من الخليل

■البنزين والسولار غليي سعره كمان مرة هذا الشهر

■اليــ ـهود أفرجوا مبارح عن الأ.سيرين عبد الغنى انشاصي إله عشرين سنة محبوس و محمد الناطور خلص حكمه ال 4 سنوات .

■حلوا الكنيست.. ولموا العدة وكبوا الخلطة وحيعملوا انتخابات خامسة واحنا لليوم ع نفس التشريعي من ستطعشر سنة.

■خلصوا المرحلة الأولى من شارع الرشيد المنطقة الجديدة ضمن المنحة المصرية.

■كل حجاج فلسطين الحمد لله وصلوا بالسلامة وسكنوا بالفنادق

■الوكالة حتصرف أول الأسبوع الجاي مساعدات وتعويضات لأكثر من 100 عيلة جديدة

■حكموا بالاعدام على قاتل طاهر جبريل سنة 2013 في غزة

■الدولار ارتفع زي الصاروخ، ووصل بالسوق السودا 3.45 وعالشاشة 3.50

■لو ناويين تعزموا أي حدا أجلوها لبعد العيد بيكثر الخير وبتيجي اللحمة ان شاء الله

■كيلو الجاج اليوم ب13ونص يعني لو بدك تجيب جاجتين بدك خمسين شيكل من غير لا رز ولا زيت ولا خضار ولا غاز ولا كل الشغلات الثانية..

#خلينا نصبح عليكم بأول يوم بشهر 7
ربنا يجعله شهر خير وسعادة وراحة بال
ويباركلكم بأيام ذي الحجة الجميلة
وكثرروا فيها من الدعاء الكم وللناس إللي بتحبوهم

وصلوا على حبيبنا النبي محمد صلى الله عليه وسلم 🌹

يسسلموو الامميرر
+ وردهةة

اللهم صل وسلم وبارك على سيدنا محمد وعلى اله وصحبه اجمعين
الله يصلح الحال
للاسف متعودين ع هيك اخبار
لعله شهر الخير والبركه جميع الخلق
عوافي لعيونك

يعطيك العافيه.

مشكور للمتابعة و النقل امير
تحياتي

الله يكون في العون
شكراً لك

يسلمو
تحياتي

يعطيك العافية
لمتابعة وادراجك ..

ربي يفرجها عالجميع
تسلم لنقل الاخبار