أخبار_عالريق
 

#أخبار_عالريق 810 يوم
✅يكتبها/ #سعيد_الطويل

■يوم كان مليان أحداث ومشاكل وقصص بعيد عنكم ،معظمها بستد النفس .

■انقتل شب جدع من الشجاعية اسمه محمد وادي بالثلاثينات من عمره وتصاوب 3 ثانيين بطوشة عائلية.

■انقتل شب ثاني من قربة رابا بجنين وتصاوبوا اثنين ثانيين برضه بطوشة عائلية مبارح الجمعة.

■ توفى ولد صغير عمره "سنتين ونص"، من منطقة الكرامة بغزة ، بعد ما وقع من فوق عمارة.

■10 اصابات بحادثين سير قويات بالضفة في منهم حالتين وضعهم صعب

■شب حرق حاله بمنطقة الشعف بالشجاعية،مبارح بالليل وحولوه للمستشفى وربنا يلطف فيه.

■الحكومة قاعدة لسة بتدرس الوضع انها حتقدر تصرف راتب كامل للموظفين قبل رمضان ولا لسة.

■الراصد الجوي بيقول انه الصيف لسة بعيد عالآخر عنا وجاييكم منخفض جديد الأيام الجاية

■الناس زهقت الرشح والانفلونزا والعلاج والدوا والأعشاب والكلنس والقعدة بالدار من ورا الشتا والمنخفضات

■اليوم حيصرفوا 200 دولار للهيكل الغير متفرع بحركة فتح وعددهم تقريبا فوق الألف واحد.

■حيخش عنا 15 ألف طن طحين روسي وتوقعات انه ينزل سعره الأيام الجاية

■ إللي قتل محمد وادي بالشجاعية مكانش ماخذ اجازة وهو محبوس، كان مخلص حكمة قبل فترة ومروح خالص

■هذا يا معلم ماسكين كمية من الغاز إللي ييضلوا يضحك بالضفة

■الأسعار بالعلالي بكل العالم مش بس عنا والله يستر من إللي جاي

■كبشة اصابات بالضفة بمواجهات مبارح مع اليــ ـهود.

■ابن #أبو_فؤاد إللي بالروضة جاي بده 20 شيكل عشان يعملوا احتفال لعيد الأم ،قلوا لو معي 20 شيكل باخذ امك ع مطعم وبسلخ فرشوحتين شاورما مع 2 كولا كلوب وبضمن متنكدش عليا لآخر الشهر

#صباح_الخير للناس إللي بتحب تصحى من النوم بعد ما تصلي تعمل براد شاي خفيف وبتحليه بزيادة وبتبعت الولد يجيب بشيكل قرشلة ويتقعد تفطر الصبحيات على شاشة التلفزيون إللي مفتوحة بدون صوت على برنامج اعادة على قناة محدش عارف اسمها ،المهم شغالة حاجة تونسه

لو في أخبار ناسيينها اكتبوها بالتعليقات خلي غيركم يشوف شو الوضع

#يسعد_صباحكم 🌹
السبت 19-3-2022

-الصورة من أجمل طلة شباك في العالم

يسسلمموو لممتابعةة
+ وردهةة

تسلم لنقل والمتابعه
وربنا يفرجها عالجميع

عوافي لمتابعه

كل الشكر و التقدير

يسلموو ع المتابعة
يعطيك العافيه أخي
ربي يسعدك