منتديات قلب فلسطين - أخبار

#أخبار_عالريق 552 يوم
✅يكتبها/سعيد الطويل
■بيني وبينكم الوضع مش تمام ،ولسة الأمور فيها شد ورخي، وهاليومين بغزة حتبين فيها الأمور لوين رايحة؟
■العمادي لسة بغزة مروحش ،بس يبدوا الأمور لحتى الآن مش تمام.
■7 ماس بتهدد وبتقول كل الأمور والوسائل متاحة لكسر الحصار عن غزة .
■الفصا ئل بتأكد انه فعاليات الارباك وكسر الحصار حتزيد مش حتنقص .
■يبدو انه قصة المنحة القطرية حتكون مسمار جحا المرحلة الجاية،والتصعيد التدريجي حيبلش شوية شوية.
■في عدد مش بسيط اليهو د شالوا أسمائهم من المنحة القطرية.
■ رفح شيعت مبارح ثلاث شباب زي الورد ماتوا بالنفق اللي كانوا يشتغلوا فيه عالحدود مع مصر .
■خانيونس كمان طلعت فيها جنازة كبيرة للشابين الجدعان اللي غرقوا بالبحر من الشرقية .
■الوكالة حتبدا توزيع 40 دولار للعائلات اللي وضعها تعبان بغزة.
■في 173 حالة خطيرة مصابة بالكور ونا وضعها صعب بمستشفيات غزة.
■بمشهد بيشرح القلب ،طلع مبارح مسير قرآني كبير فيه فوق ال700 واحد من الحافظين لكتاب الله بالنصيرات .
■لبييد بيقول انه فش مفاوضات مع السلطة ،بس الموجود تنسيق أمني .
■إلها اسبوع أعداد الكو رونا بغزة قالطة الألف حالة وشوية يوم يوم .

بكفي لعند هان أخبار اليوم ..
الله يصبحكم بالخير والسعادة ويديم عليكم الرزق وراحة البال..

السبت 4-9-2021 🌹