أخبار_عالريق
 

#أخبار_عالريق 548 يوم
✅يكتبها /سعيد الطويل
■اليوم إللي فات مليان لخمة في شـהــيد وارباك وبلالين واصابات و قصصف ونار وسهر وحظر وتهديد وبيان ،وشوب وبالآخر الحمد لله عدت ع خير ..
■معبر رفح اليوم فاتح للي رايح وإللي جاي ،وان شاء الله تضل الأمور هيك تمام.
■اليهود قرروا اليوم الصبح انهم يفتحوا حاجز إيرز وكرم أبو سالم عشان يدخلوا البضايع والبنزين من أول وجديد .
■الليلة اللي فاتت خمس اصابات وحدة منهم وضعها صعب بالارباك الليلي شرق غزة.
■قصصفوا اليهو د وخبطوا ورقعوا بموقع صلاح الدين إللي عند نتساريم وطيرانهم خبط كمان ببيت حانون ، وفي عيلة ربك سترها كانت حتروح فيها.
■وصل للمستشفى مبارح شب عمره بأول بالعشرينات من الشجاعية ميت بظروف غامضة والشرطة بتحقق بالموضوع.
■ مبارح ثلث جرائم قتل في يوم واحد ، كل وحدة أصعب من الثانية في "تل السبع ، واللد ، جلجوليه"
■من الآخر أشرف القدرة بيأكد انه خشينا بموجة كور ونا ثالثة بالقطاع وحتشد حيلها الشهر الجاي .
■فوق ال180 ألف واحد تطعم ، من أول حملة السحبة عالجوائز بغزة.
■خمسطعشر ألف واحد تطعم مبارح بغزة.
■مبارح عنا فوق ال700 اصابة كور ونا جديدة بغزة.
■البندورة الاسرائلية خشت عالبلد وصارت تتباع ال3 بمية .
■بكرة حيبلشوا تطعيم طلاب الثانوية بالمدارس.
■الخطة "ب" تبعت الوكالة جاهزة للتفيذ بأي وقت غصب عن أم مراد.

بكفي لعند هان وكل يوم لخمينكم بالحظر
الله يسعدكم في صفحتي الشخصية ححطها بالتعليق الأول عشان تتابعوني هناك لإني نحظرت ع كل الحسابات للأسف
معلش نغلبكم ..

#صباحكم_سعادة 🌹
الأحد 29-8-2021

يسسلموو أممير
وردهةة

متابعه جيدة أخي
ربي يعطيك الصحه والعافيه

يسلمو ع المتابعة
يعطيك العافية

شكرا لمتابعتك اخي

شكرا ع المتابعة

مشكور للمتابعة يا ورد

منورين

يعطيك الف عافية الامير