أخبار_عالريق
 

#أخبار_عالريق 437 يوم
✅يكتبها /سعيد الطويل
■جيش الاحتلا ل أعد م مبارح بدم بارد الشيخ عاطف حشاينة مؤذن الجامع ببيت دجن .
■ع قولة الفصا ئل بتصريحاتها .. انها هددت وتوعدت بالرد على استش هاده.
■الجو هذا الأسبوع حيكون ملوش راس من رجلين ساقع ع شوب ع نص نص والنصيحة تخففوش أواعيكم بلاش تاكلوا هوا رسمي.
■ديروا بالكم الشرطة رجعت تدقق عالكمامات عالحواجز ،وهيك هيك أصلا فرصة نرجع ناخذ احتياطنا ونلبسها الأمور شادة حيلها شوية.
■بيقلك انه السبب الرئيسي بزيادة عدد الكوو رنا هي الصالات والحفلات.
■طمنطعشر حالة وفاة جديدة من الكو ورنا مبارح .
■شفناهم عالكاميرا.. اتنين حرامية سرقوا من صراف عملة بخانيونس 8000 شيكل وشردوا.
■اليوم فتحوا باب الترشيح للانتخابات بالضفة وغزة بشكل رسمي.
■مركزية فتح اجتمعت مبارح وقررت انه أي حد حينزل من فتح مع مستقل أو مش حيلتزم بالحركة حينفصل.
■أم جهاد الوزير بتقول انه موعد صرف راتب شهر 3 حيكون بأول شهر أربعة وحيبلغوكم بالآلية الجديدة.
■في شوية اصابات مبارح بطوشة بين عيلتين بدير البلح والحمد لله أجت بسيطة.
■ أمير بوخبوط لقي حاله زهقان كتب انه الحـ ـرب الجاية ضد غزة حتكون صعبة ومؤلمة و بتبشرش بخير.
■بكرة أول يوم بالربيع وعيد الأم وشوية مناسبات حلوة ..صيفت 🙂
■كمان مرة بالنسبة للجو حترتفع درجة الحرارة عالآخر وتصيب شوب بعدين حتنزل زي المنخفض ديروا بالكم جو مرض هذا.
■المحلات بلشت تحضر ببضاعة رمضان وفوانيسه وحاجاته الزاكية.
■فش تسكير للبلد لحتى الآن بس الاجراءات حتبلش تشديد شوية شوية.
■نازل شمام بلدي زي العسل الكيلو بخمسة شيكل.
■الدولار ب3.30 شيكل ،للي معه كم ورقة ومخبيهم هالخبر.

#

يسلموا ع المتابعة
عوافي

شكرا لالك
طاب يومك

ييسسلموو لممتابعتكك
وردهه

يعطيك العافية لادراجك ..

عوافي الامير