منتديات قلب فلسطين - سر الأرقام المتداولة عند الغزازوة 🤣

منتديات قلب فلسطين (https://www.heartps.com/vb/index.php)

- النكت والطرائف (https://www.heartps.com/vb/forumdisplay.php?f=29)

- - سر الأرقام المتداولة عند الغزازوة 🤣 (https://www.heartps.com/vb/showthread.php?t=55811)

سر الأرقام المتداولة عند الغزازوة 🤣

سر الأرقام المتداولة عند الغزازوة ��
بعض الأرقام في اللهجة الغزاوية لها استخدامات مختلفة جداً.. وهي 60 و 100 و 10 و 1000 و 7 و 2.. على سبيل المثال:
-الرقم (60):
يستخدم فقط وحصرياً في الشتائم والتوبيخ دوناً عن باقي الأرقام.
مثلاً: (ابن ال60 صرماية).. (ابن 60 كلب).. ما بيقولوا مثلاً ابن 50 كلب.. ولا ابن 70 كلب.. حصراً 60 كلب فقط لا غير.
ويستخدم الرقم (60) أيضا لوصف اسوأ مكان أو وجهة.
مثلاً: (انقلع في 60 جهنم).. أو (تروح في 60 داهية)..
40 أو 70 ما بيمشي الحال.
-أما الرقم (100) فيستخدم للتسليمات.
مثلاً: (يا 100 أهلا وسهلا).. مامنقول يا 50 أهلا وسهلا.. لأ..
(100 السلامة).. (100 وردة بهالطلة)..
وأحياناً يستخدم رقم (100) للمبالغة:
(100 مرة قلنالك لا تعمل هيك).. هو بكون قايلك مرة ونص أو مرتين..
(100 مرة ناديتلك).. هي بتكون 3 مرات أيضاً..
-وأما الرقم (10) فيستخدم لوصف جودة الأشياء أو الأفعال.
(الشغل 10 على 10).. تأتي بمعنى toll..
أو (فتح عيونك 10 على 10) يعني انتبه..
-الرقم (1000) يستخدم تحديداً في التهنئة.
(1000 مبروك).. 100 مبروك ما بيمشي الحال.. حصراً 1000..
(1000) الحمدلله عالسلامة..
أما الرقم (7) في الوصف فهو ظاهرة غريبة جداً.. ويفيد الحيرة الشديدة أو البحث المتواصل والمتعب عن شيء أو شخص ما. مثلاً:
(دخت ال7 دوخات لحد ما لقيت فلان أو هالغرض الخ...).
كما يستخدم الرقم (7) للتعبير عن النوم العميق..
(ما رح يرد عليك.. شكلو ب "سابع" نومة)..
انتبه.. لو ب "سادس" نومة كان قام عادي ورد.. بس هاي السابع نومة!
أخيراً الرقم (٢):
وهو يعبر عن أطول مدة زمنية في الكون.. وهي (الساعتين).
(صرلو ساعتين بنفس القصة) هي بتكون ٥ دقايق.. بس الله بيطرح فيهن البركة..
(صرلي ساعتين بستناك ).. (صرلي ساعتين بفهمك هالشغلة)..😂😂😂😂😂😂😂😂😂
(تعبت صرلي ساعتين واقف ع رجليي)..
يسعد صباحكم

ههههه
مبتوقفش بس علينا
لانه بعض الاقتباسات بالكلام موجودة حتى بمصر
يعني مستوردة من عندهم للقرب الجغرافي منهم
اما الرقم 60 عن نفسي بستعمل ال 66 بداله ههه

شكرا عالنهفة

يسعدك

هههههههههه
فعلاً هيك و الله
يسعدكك

هههههههه
حبيت طرحك
يعطيك العافية

هيهيهي

+ ححتى ععناا ههايي الاخختراعاتت
:77:

متداول هالكلام بينا وبين المصرين تقريباً
يعطيك العافية لادراجك ..

ههههههههههه يا الله قديش هالموضوع ضحكني
وخصوصا ابن 60 كلب
محللة لوجستية يالي كاتبة الموضوع
عوافي يا غزاوية هههه

اقتباس:

المشاركة الأصلية كتبت بواسطة خالد (المشاركة 3045231)

هههه
باختصار هي موجودة عند الدول العربية كلها:9008:
حركة استيراد و تصدير jat3
يسعد صباحك hear2
نورت:505:

اقتباس:

المشاركة الأصلية كتبت بواسطة البريئة ! (المشاركة 3045332)

هههههههههه
فعلاً هيك و الله
يسعدكك

ههههه
ويسعدك ي رب
يسعد صباحك نورتي:9007:

اقتباس:

المشاركة الأصلية كتبت بواسطة m0m3n (المشاركة 3045554)

هههههههه
حبيت طرحك
يعطيك العافية

تسلم نورتsd:7