أنتَ مُمكن تكون كويّس في ١٠٠ موقِف
 

" أنتَ مُمكن تكون كويّس في ١٠٠ موقِف، بس الموقِف ١٠١ اللي ما عرفت تعمل فيه شيء هو اللي رح يتذكّروه!.

ومُمكن تكون استحملت ضغط مِن شخص ١٠٠ مرّة، بس المرّة الـ ١٠١ اللي رح تشتكي فيها رح تصير ظالم، وقلبك أسود وما بتقدِّر!.

ومُمكن تكون عندك مشاكل الدّنيا والآخرة واللي قُدّامك عارف هاد الشيء منيح، بس بتتعامل عادي والمرّة اللي بتتعامل فيها إنّه مش عادي بتكون بتتدلَّع أو بتتحجَّج!.

طيّب آه والحل؟
الحل إنّك ما تتعشَّم، فلُان شايفك مش كويّس، فُلان شايفك قلبك أسود، وفُلان هاد شايفك بتتدلَّع بعد العِشرة والمواقِف وكُل اللي مرّيتوا فيه!؛ معناته :
" شُكراً، وكانت فُرصة سعيدة، ومع السّلامة.

النّاس الأنانيّة اللي طول الوقت شايفة كُل شيء مِن ناحيتها ومش قادرة تحُط حالها مكانك، أو تلتمسلك العُذر؛ أنتَ في غِنى عنهُم "

- حافظين وِدكُم، وشاكرين للأيّام اللي بيننا، بس المكسَب هاي المرّة إحنا، وأنتُم مش أهم منّا 🖤

#شهد_ماهر

كلام حلو جدا وواقعي
ادراج رائع
عوافي

تعرف شغلة مؤمن و لأول مرة رح احكيها
انا في ناس قطعوا علاقتهم فيني بشكل كامل و محزن
بس عشان كنت بفترة مكتئبة و حزينة
بدهم ياني ٢٤ ساعة اضحك و احكي عادي
ما بعرفوا ان اللي مرءت فيه ما يعلم فيه الا الله

هالناس غريبين فعلاً و انانيين كمان ..

تحياتي

كلام سليم 100%

تحياتي

كلامم صحيح
يسسلمواا عالططرح
عووافي

كلام صحيح كما قال الشاعر
‏مالي ومال الناس إن مالوا وإن عدلوا
ديني لنفسي ودين الناس للناسِ
أشكرك على الطرح المميز

كل الشكر و التقدير

كلام منطقي
تسلم لاادراجه ودايما مواضيعك قيمه

كلامك مزبوط
يسلمو
تحياتي