منتديات قلب فلسطين - #أخبار

#أخبار_عالريق سنة و45 يوم
✅يكتبها/سعيد الطويل
■الصحة بالضفة بتقول انه الكور..ونا شدت حليلها عنا من أول وجديد وحنشدد الاجراءات كمان مرة.
■اليوم في مؤتمر مهم الصبحيات للحكومة برام الله عشان الاجراءات الجديدة.
■ابراهيم ملحم حكى مبارح انه الرئيس طلع قرار انهم يعيدوا رواتب غزة زي ماكانت قبل وكمان حكى انه وقع على الغاء التقاعد المالي.
■قصة ال2005 ملحم مجابش سيرتها بالتصريح .
■مبارح سكروا أربع مطاعم شاورما بغزة مش نظيفة ومش متبعة السلامة الصحية زي ما حكوا بالتصريح.
■اليوم حتنصرف رواتب بطالة الوكالة بعد الساعة عشرة.
■حيوصلنا بالليل منخفض جوي بيقلك انه قطبي جامد وربنا يحفظكم.
■الدفاع المدني بيحذر من هذا المنخفض واضراره خاصة للدور الأسبست والزينقو.
■قصة انه فش مدارس بكرة وبعده عشان المنخفض هذه ام العبد طلعتها اشاعة عجروب تجمع الامهات الزهقانات.
■ لقيوا مبارح جثة شب موجودة بعمارة مهجورة بكفر عقب بالقدس.
■اليوم حيعلنوا عن 125 حالة كور.ونا جديدة فش غيرهم.
■المعبر فاتح روحة جية وفش غلبة والأمور تمام التمام.
■الهيئة المستقلة مش عاجبها قرار القضاء الشرعي اللي بيمنع البنات من السفر قبل اخذ اذن ولي أمرهم وبيتقول انه ينتهك الحرية الشخصية للإنسان.
■اليوم آخر يوم للتسجيل للانتخابات مضيعش حقك وروح سجل.
■البندورة 12 كيلو بمية مبارح انبح صوته الغلبان وهو بيزعق عليها.
■اليهود لسة موافقوش يدخلوا اللقا..حات لغزة.