أخبار_عالريق
 

#أخبار_عالريق سنة و38 يوم
✅يكتبها/سعيد الطويل
■أربعطعشر فصيل وصلوا للقاهرة عشان حوارات الانتخابات اللي حتبلش اليوم.
■حر.كة الأحرار مستغربة انهم مدعوهاش لحوار القاهرة وبتحكي انه حضورها كثير من فصائل دعوها أكثر من مرة.
■سوق السبت اللي برفح أجلوا قرار انه يصير يوم الاثنين .
■اليوم حيحط العمادي حجر الأساس
و ان شاء الله يكون الأخير بمستشفى رفح.
■اليوم فش غير 56 اصابة كو.ورنا جديدة بالقطاع .
■توفت ست وهي بتولد بمستشفى الا.قصى ،وجنينها ضل بخير والحمد لله.
■واحد طب طخ بنسايبه مبارح بخانيونس وصاوب ثلاثة منهم واصابتهم متوسطة.
■في حادثة اعتداء بالضرب كمان صارت على واحد ومرته بتل السلطان برفح.
■وفد من لجنة الانتخابات حيجي يشوف الوضع بغزة بكرة.
■وزارة الصحة بتقول انه التطعيم تبع كو.رونا بيمنعش الاصابة ثاني ،بس بيخفف الأعراض لو أجتك .
■الفراولة صارت الكيلو بأربعة شواكل.
■اليهود أفرجوا مبارح عن الأ.سير أحمد جهاد إسماعيل غنيم من الشمال بعد ما قضى خمسطعشر سنة بالسجن.
■انولد الشهر اللي فات بالقطاع 3391 مولود جديد.
■الحمد لله مبارح اختارونا للسنة الرابعة بالتقرير السنوي ،من اكثر صحفيين الهم متابعة وتأثير ،وهذا الشيء بفضل الله وبعدين بفضل دعمكم .

#صباح_الخير لكل أم قامت من الصبح تعصر شاف عصير برتقان لجوزها وأولادها وحضرت عجنتها لجية دور الكهربا ،وشطفت الدار وجهزت السبانخ لغدا اليوم.

#صباح_الخير لكل أب صحي من بدري يعبي تنك المية الحلوة ونزل عالسوق يجيب أغراض الدار لعزومة دار أخته بعد ما صالحها من جديد.

#صباح_الخير للسواقين الرايقين اللي بيطلعوا من صباح ربنا يلموا رزقهم شيكل على شيكل عشان يأمنوا يوميتهم ونصيب صاحب السيارة.

#يسعد_هالصباح يا جماعة الخير
الاثنين 8/2/2021 🌸

يسلمو للمتابعة
يعطيك العافية

الفراولة صارت الكيلو بأربعة شواكل.

هاد اهم خبر

شكراً لالك
طآب يومك

كل الشكر والتقدير

يسعد صباحك
حلوة الاخبار كلها مرة وحدة
فكرة رائعة استمررر