الحكي كتير سهل..بس الفعل كثير صعب
 

وحده من اسوء الظواهر الموجوده بمجتمعنا انو الناس مفكره مواقع التواصل الاجتماعي عالم منفصل عن الواقع وكأنو الناس ما بتعرف الشخص الا من خلال الانترنت .
لأنو صار ممكن تشوف حدا كارثي بالواقع وملاك بمواقع التواصل ، متل لما تشوف شخص ما بعرف يتوضى اساساً منزل منشور انو نفسو يموت ساجد ، او شخص بضرب امو ومنزل صورتها وكاتب عليها عبارة عن البِر ، او حتى شخص مفكر انو محور الكون والناس كلها متابعه تحركاتو وهو ما حد عارف عنو أساساً .

لازم الشخص فينا وقت يكتب شغله او يقدم نصيحه على الأقل يكون مطبقها بحياتو والناس ما تقدر تنتقدو وتحكي "يبلش بحالو أول وبعدها ينصح الناس "
انا طبعاً مش ضد النصيحة ولا ضد الامور الايجابيه ، لكن مشكلتي باللي بيحكي شغله وبعمل عكسها ومفكر انو كم لايك بصفحتو بعطيه صلاحيه للانتقاد والحكي بإسم الناس وتقييمهم .
بالقرآن الكريم موجود آيه صريحه "يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ كَبُرَ مَقْتًا عِنْدَ اللَّهِ أَنْ تَقُولُوا مَا لا تَفْعَلُونَ".
الحكي كتير سهل ، والكترونياً مش محتاج الا كيبورد و10 اصابع ، لكن الصعوبه بالتطبيق .
يا ريت لو نركز على حالنا وتصرفاتنا ، بالاضافة انو ما ندعم الشخص اللي متل هيك ولو ما قدرنا نحكي معو عالاقل نتجاهل اللي بيحكيه مشان ما يستمر بنفس المبدأ ويعرف انو في خلل ويبلش يصححو .

كل الشكر و التقدير

للاسف بعرف ناس كتير بحياتي
هم بعيدين عن ربهم وظالمين وكل حياتهم كزب
وبالاخر تعى شوف بوستاتهم
بصير اضحك والله
شخصيتان لنفس الشخص

شو حلو كلامك وواقعي

شكرا مؤمن

والله كلام صحيح.. لو الناس كل واحد يلتهي بحاله ما بنوصل لهيك




يسلمووو ياباشا على المواضيع الحلوة

كلام واقعي وجميل
عوافي مؤمن
ما ننحرم مواضيعك المميزة
تقديري

كلام صحيح وواقعي ميه بالميه
حبيت طرحك مؤمن
عوافي لالك
وكل الشكر

لذلك نحن لاننتج

قال كونفشيوس
الشعوب المتحضرة تتميز بالنتاج والحضارة والشعوب المتخلفة تتميز بالخطب