أخبار_341 ✅يكتبها/سعيد الطويل
 

#أخبار_عالريق 341
✅يكتبها/سعيد الطويل
■السلطة رجعت التنسيق الأمني مع اليهود من أول وجديد ،وكأنك يبو زيد ما غزيت.
■حورات وجولات القاهرة تبعت المصالحة خربت والوفود كل واحد حيروح ع كبيره ايد ورا وايد قدام.
■تقريبا كل الفصائل أدانت رجعة التنسيق الأمني بين السلطة والا.حتلال الا حسين الشيخ بيقلك هذا انتصار عظيم لشعبنا.
■عزام الأحمد بيقلك انه زيارتنا لمصر كانت شكلية والمصالحة مش حتشوف النور هذه الفترة .
■صرحوا ناس كبار انه النرويج هي الدولة الوسيطة الي رجعت العلاقات والمفاوضات.
■ رواتب السلطة حتكون آخر الشهر هذا وبيقولوا الرواتب حتكون كاملة للكل .
■اليوم حيعلنوا عن عدد مشفناش قبله بغزة ..600 حالة كوورنا جديدة لنج.
■ في 6 شباب دخلوا العناية المركزية بعد ما اكتشفوا معاهم كوورنا .
■الداخلية بتقلك انه المسؤولية هذه الفترة عليك وعليهم ودير بالك ع حالك.
■الداخلية برضة لمحت انه ممكن تسكر البلد بأي لحظة ..حضروا أغراضكم.
●الوكالة مش قادرة توفر رواتب موظفينها هذا الشهر ، عشان عندها عجر 115 مليون دولار.
■7.ماس بتضغط عالكل عشان يدخلوا 40 جهاز تنفس صطناعي لغزة ،لأنه الامور صعبة.
■زي اليوم قبل سنة بالضبط ،اكتشفوا أول حالة كوورنا بالصين ،بعد ما شربوا شوربة الخفافيش ،الله لا يكسبهم.
■طرادات اليهود من مبارح بيطخطخوا عالصيادين ببحر الوسطى والشمال.
■شكله اليوم العدد بغزة حيفوت الضفة
■واحد متخلف اشترى قبل يومين كندرة ملكة فرنسا ماري أنطوانيت ب 40 ألف يورو .
■آخر احصائية للكورونا بالعالم في أكثر من مليون و332 ألف حالة ماتوا وكمان و55 مليون ونص تقريبا اصابات.
■زي كل مرة اليهود قصفوا عالفجر مواقع بسوريا وبشار احتفظ بحق الرد .
■اليوم حيروح وفد بحريني مع الوفد الامريكي يزوروا "تل أبيت".
■المهم الخضرة نازل سعرها شوية بالسوق والبرتقان والتفاح سعرهم زي سعر البندورة
■تلت روس ملفوف بعشرة شيكل وزيها بتنباع القمبوطة .

#صباح_الخير وربنا يريح بالكم ويديم علينا عليكم السعادة والرزق .🌸
الأربعاء 18/11/2020

بعين الله
يسلمووو

الله يفرجها عالناس
شكرا لنقل الاخبار وتقديمها
عوافي الك

الله يفرجها ع الناس
يسلمو للمتابعة

كل الشكر والتقدير

شكرا ع المتآبعة
يعطيك العآفية