أخبار_عالريق
 

#أخبار_عالريق 259
✅يكتبها/سعيد الطويل
■شهي..د بنص القدس أعدموه اليهود بدم بارد قدام عنينا بالليل واحنا صرنا نتفرج عالحدث كإنه بالصومال .
■الوفد المصري أجا ع غزة وروح من غزة مبارح من غير ما يتفقوا ع أي حاجة ،لسة شكلها مرحلة توصيل الرسايل.
■برضه مبارح طلعوا بلاليين من عنا واليهود قصفوا برفح هدف هامل ع أبو خفيف.
■اكتشفوا 8حالات كورونا جديدة بغزة كلها جوا الحجر طبعا.
■اليوم حيكون اجتماع مهم للرئيس لأبو مازن مع كل الفصائل برام الله ضد التطبيع.
■فتح و7ماس عملوا دعوة مشتركة لمهرجان كبير برام الله حينعمل بكرة ان شاء الله.
■أبو باسل المشهراوي أكد بتصريحه مبارح انه ضد التطبيع جملة وتفصيلا.
■مفتى فلسطين أفتى انه حرام الصلاة بالمسجد الأقصى وفق اتفاق التطبيع تبع الامارات.
■بيقلك السودان هي الدولة الجاية اللي عليها الدور بالتطبيع الكامل.
■كل اللي خالطوا الوفد المصري من المرافقين حيحجروهم 21يوم.
■هذا الخبر للبنات ...اللي عمرها من 20ل25سنة ومش قصيرة وطولها فوق ال160صانطي وبدها تسجل بدورة شرطة هي الرابط نزلته داخلية غزة ع صفحتها.
■جدول الكهرب هالأيام بيمقت مقت .
■الخميس الجاي اجازة عشان راس السنة الهجرية ،حيكيفوا أولاد المدارس سنة ربيعة من أولها لآخرها.
■أمريكا بتقلك انه "اسرائيل"وقفت الضم وموافقة على اقامة دولة فلسطينية خلال اربع سنين .. كذابين يا صفوت..
■160اصابة كورونا جديدة بالقدس .
■مبارح طلع من سجن اليهود الأ.سير يحيى اصليح بعد 12سنة من الظلم والقهر.
■البلديات حتصير تضخ المجاري"الله يعزكم" بالبحر زي أول لو ما دخل الوقود لغزة لانه عالحركرك بده يخلص .
■الوفد المصري مخلصطش مهمته واحتمال يرجع ثاني اليوم أو بكرة.

#صباح_الخير لأم الشه.يد أشرف هلسة اللي اعدموه مبارح بالقدس قدام عنينا بدم بارد.

#صباح_الخير لكل أم أ.سير بتحمل صورته كل يوم اثنين وبتروح تعتصم قدام الصليب الأحمر على أمل حد يستجيب الها ويحس فيها.

#صباح_الخير لأهلنا المحجورين اللي أجو من السفر من برة والمرضى اللي وصلوا من ايرز ،الله يكونلكم معين وربنا يقوييكم.

#صباح_الخير لبياعين البراد والخروب الساقع اللي بياكلوا ضربة الشمس عشان يبردوا علينا ويسترزقوا بعز الظهر.

#يسعد_صباحكم وربنا يحفظكم 🌹

مسا القلوب الجميله

الله يفرجها ع الجميع

يسلمو الامير
الله يبعتلك ايام حلوه
و
سنين احلى

كل الشكر والتقدير

شكرًا للنقل

يسلموو لنقل والمتابعهة