#أخبار_عالريق ✅يكتبها/سعيد الطويل
 

#أخبار_عالريق
✅يكتبها/سعيد الطويل
■خطر الكورونا قاعد بيزيد بالضفة شوية شوية ومبارح فوق ال250 اصابة جديدة اكتشفوهم وربك يستر .
■أعلنوا مبارح عن وفاة حالتين من الكورونا وحدة بالقدس والثانية بالخليل .
■عدد اللي انتقلت الهم عدوى الكورونا بالعالم صار فوق ال10 مليون بني آدم.
■في الهند لحالها صار نص مليون اصابة .
■فش ولا اصابة جديدة بغزة وتشافى كم واحد من القدام وضل بس 14 بالعزل.
■الأجنحة العسكر.ية قاعدة بتجهز حالها بغزة للرد على خطة الضم .
■فتح بتقول انه غزة محضرة حالها وجاهزة عشان تتصدي لخطة الضم .
■ابو مازن مرضيش يرد ع مكالمة لوزير خارجية أمريكا بومبيو.
■الجاج صار بتمنية شيكل الكيلو .
■المانجا اللي زي المايا الصغيرة الكيلو بخمسة شيكل وزي العسل .
■حركة ضعيفة على خط سيارات الجنوب لغزة.
■بمدينة جنين سكروا ست صالات فيها أعراس مش ملتزمين بتعليمات السلامة وحبسوا أخو عريس ولغوا عرسين تانيين.
■بيان مشترك ل7.ماس والشعبية أكدوا فيه انهم مستعدين لتصعيد المقاومة الشعبية بالضفة.
■اليهود قاعدين بيتدربوا وبيعملوا مناورات بغلاف غزة بشكل شبه يومي.
■الصحة العالمية بتقول انه في 100لقاح بيجربوا فيهم ولسة ولا تجربة زبطت وبدهم تقريبا سنة عشان يزبط اللقاح.
■راس الملفوف الأحمر تبع سلطة المايونيز بشيكل.
■فش عروض جديدة إلا على المكسرات فش عليها سحب شكله.
■معظم النسوان مأجلات قرار الخطوبة لأولادهم ..بدهم يشوفوا الدنيا وين رايحة.

#صباح_الخير لأهل البال الرايق اللي ربنا منعم ومتفضل عليهم وفش عندهم الحمد لله لا هم ولا غم ،ربنا يسعدهم ويديم عليهم راحة البال ويبعد عنهم شر الناس.

#صباح_الخير لكل أم صحيت صلت الفجر حاضر ودعت لأولادها نفر نفر ،ومرفعتش راسها عن السجادة الا وهي راضية عنهم.

#صباح_الخير لكل موظف دبر أجرة مواصلاته عشان يروح ع شغله والله يعلم كيف وضع بيته .

#صباح_الخير للعمال اللي بيطلعوا من النجمة مشي ع رجليهم عشان يوصلوا شغلهم قبل الساعة سبعة وبيروحوا بالتكتك عالمغربية.

#صباح_الخير_والرضا للجميع🌹

يعطيك العافيه.

شكرا لنقل والمتابعه

شكرًا للمتابعة