اخبار اليوم 2020
 

✅يكتبها/سعيد الطويل
■بالنسبة للرواتب صرح اشتيه انها حتكوت عالخير يعني حيشوفوا لو في مصاري حندفعها ولو ما في خلينا نستنى شوية.
■هاليومين حيعمل حسبته وزير المالية ويشوف شو في امكانيات وربنا يسهل.
■فش ولا حالة كورونا جديدة بغزة من تلات تيام.
■اشتية بياكد انه التواصل السياسي متوقف بينا وبين اليهود من ال2013
■أبو مازن اتصل بالنخالة وعزاه بوفاه الحج أبو عبد الله ..اللهر يرحم روحه.
■بطالة طموح 2حتنصرف كمان شوية بمكاتب البريد بغزة.
■مصاري مساعدات وقفة عز في ناس وصلت الهم رسائل عشان يستلموا اليوم ال700شيكل.
■مصاري العمادي تبعت ال100 دولار لسة ملهاش أي علوم .
■حيصرفوا منحة ال500 شيقل تبعت الشؤون الاجتماعية بكرة ان شاء الله ل 14500 عيلة ماكلة هوا.
■بلدية غزة بدها تخلي منظر الشط حلو وحضاري فراحت لغت البسطات اللي عالكورنيش وعملت بدل منهم أكشاك للإيجار تكلفتها 2100 دولار فى السنة.
■قصة الايجار اخذت لخة كثير عالفيس وقال وقلنا وعدنا وزدنا ،وبالآخر راحوا يتاجروهم الشباب 🤔
■رجعوا الأندية يلعبوا كورة ويكملوا المباريات بغزة بس بدون جمهور.
■احتمال كبير السعودية تقرر موسم الحج هذه السنة بأعداد رمزية عشان تضل الفريضة حية.
■حسين الشيخ صرح مبارح انه: "أي اسرائيلي حتعتلقه السلطة في الضفة الغربية، مش حنرجعه، وحمحاكمته بالقانون الفلسطيني".
■توفت عالفجر أم الشــهـ.....ـيد يحــي..ـى عـيــا....ش في بلدة رافات بالضفة الله يرحمها.
■بلدية غزة بطلت تخلي مية المجاري "الله يعزكم" تصب في البحر ،وحيكون شط البحر نظيف هذه السنة.
■ التربية والتعليم حلت قصة أقساط جامعة الأقصى وأي طالب بيقدر يدخل عالمودل ويشوف علاماته ومحاضراته.
■مستشفيات "اسرائيل" بطلت تستقبل المرضى الفلسطينيين بعد ما وقفوا التنسيق الامني.

#صباح_الخير لأصحاب البسطات والكراريس الصغيرة في كل حارة وع قرنة كل شارع، وواللي كانوا يقفوا قدام كل باب مدرسة وجامعة وجامع ،ولبياعين الترمس والفول النابت الموجودين بالساحة ولفنانين الدرة العرانيس ع شط البحر ولتبعون الذرة السخنة اللي منورين الجندي ،وللشباب الزغار اللي كانوا يببيعوا الشاي والقهوة بنص المينا ،وللولد للصغير اللي كنا نشوفه بنص الليل بيبع بزر بطيخ بشيكل ،وللزلمة الغلبان الللي بيبيع ع كروسة كبدة واللي جنبه اللي بيعمل طحل وفشة حراقة .
#مسا _الخير لهذه الناس والله يكون بعونهم ويوسع عليهم وعليكم وعلينا .🌹

يسلمووو لنقل والمتابعه

يسسلمموو للممتابعتكك
وردهه

\
بستغلوا حاجة الشباب واصحاب البسطات وبيقولك بدهم يخلوا الشط منظره حضاري
مش لما يتعاملوا بحضارية مع الشعب ويعيشوه بالاول بعدين يهتموا بالمنظر العام
يسعدكك لادراجك ..